宴 尖沙咀

今晚唔算好肚餓，同朋友喺尖沙咀行街後就揀咗呢間居酒屋🏮食串燒同飲酒～ 我哋叫咗幾樣小菜送酒，樣樣都唔錯👍🏼松葉蟹刺身🌸估唔到呢度都可以食到松葉蟹😋 入口鮮甜，絲絲嘅肉質口感好好，食得出係好靚嘅刺身💯 蟹腳刺身肉質飽滿，食落好滿足～生蠔刺身🌸完全冇腥味！生蠔大大隻，肉質爽口，入口就有淡淡海水嘅鹹味，好新鮮🤩炸沖繩苦瓜片🌸苦瓜係沖繩嘅代表食材，呢個炸苦瓜片薄薄嘅粉漿，已經炸到好脆😋 外脆內軟，仲帶住微微甘苦嘅味道，簡直顛覆我對苦瓜嘅固有印象😌鐵板帶子🌸帶子口感鮮甜，經過鐵板燒處理散發出淡淡嘅焦香味，口感都比較嫩👍🏼梅美人梅酒&黑霧島泡盛🌸梅美人呢款酒一直都係我嘅心頭好，結合咗水果酒嘅果香甜味同蒸餾酒嘅濃烈，配埋小菜簡直完美😍；黑霧島就甘甜清爽，飲幾啖開胃又醒神😘🍶