楚撚記大排檔 (寶光大廈)

Open Now

Now Closed

朋友生日，去咗呢間特色大排檔，唔記得咗8:30定9:30入左右八五折，本身都覺得OK，同埋平時多人排隊，宵夜時段入去有位坐唔使等。因為太肚餓，叫咗個豬手一上枱就瞬間食晒，忘記咗影相，我覺得豬手係今日呢餐最好味嘅餸菜，因為個豬皮夠脆，豬手肉唔鹹，好味。然後嗌咗個咕嚕肉，咕嚕肉味道都正常。個粟米冇太大特色，只係整熟舊粟米，然後沾上蛋黃醬兜兩下，唔係好鹹嗰隻，但唔覺得值呢個價。個魷魚遍辣，味道不過不失小炒王，成碟韭菜有渣，難食！戰鬥碗救冰凍，倒上啤酒飲特別好飲，缺點隻碗好快唔凍，倒上啤酒好似飲緊熱啤咁。總括嚟講食物唔夠熱，除咗個菜，其他味道正常，服務正常。 但地點較遍。一次可以。