一路行見到有樓梯邊貼左啲紙仔。「飯前運動腸胃蠕動」「喘口氣深呼吸」「多運動等會吃的多」！好窩心啊！
我哋大概9:15PM到，女侍應同我地講9:30PM last order, 10:00PM閂門。咁攪笑，同我講10點閂門。。。anyways, 唔緊要，我哋食嘢好快。
嗰女侍應帶我哋坐低咗，開始set 枱。但我又好奇。點解張墊枱紙咁污糟嘅？好似上手食完冇換到？佢竟然唔理照放紙巾叉等等上去。。。我問Mr C佢覺唔覺得好似污糟左啲，佢都認同。。。咁我就叫另外嗰男侍應幫忙換咗佢。
我哋望住餐牌，好快決定咗要啲咩。
滷肉飯$30
味道其實唔錯！料夠，汁夠！肉既肥瘦適中。我覺得OK！
古早味滷排骨$75
呢個上抬嗰陣嚇襯我。吓？咁樣既？個賣相好似仲差過我伍企煮俾MrC既菜。。。唔緊要，試下味先。咦？乾到呢。硬到呢。根本冇可能用好味定唔好味黎形容呢碟。但係。可以點呢？
紅燒牛肉麵$75
呢個麵其實都可接受。但係呢度俾既餐具，尤其是個木匙羹，食唔到麵。份量比較細。牛筋好入味好tender。牛腩就相比之下差少少，冇特別。
食到呢度。我好唔甘心。排骨我哋一人食咗一細舊（頭同未），認真食唔落去。我抵唔住頸同個男侍應講。咁佢都好nice。服務態度好好。同我哋講「頭先落order嗰時你問我排骨定東坡肉好味啲，不如我入廚房睇下仲有冇東坡肉啦」。所以我哋就有機會試下嗰東坡肉啦。
東坡肉$75
咁講。雖然侍應係好好。我都好想讚揚下去。但係嗰東坡肉又真係唔爭氣。賣相都係麻麻。淨肉。好多肉。肉質唔係地別tender，不算太入味。唯一好既係肥肉瘦肉都有，層次既分明。
Anyways，我覺得呢間嘢noise 大過實力。如果想影相打卡，真係一個好地方。不過我就未必啦。。。
