Video
Read full review
2017-06-12
163 views
今日因為工作緣故，係黃大仙附近出沒，一直以為黃大仙淨係得拜神，但原來有間日本野都幾好食，就係呢間和氣。可能因為係平日，我同朋友兩人一張枱都唔洗等就入得。店入面既環境冇乜特別，正常一間日本野既裝潢。睇完MENU，好似樣樣都好食，我地就主打每樣叫小小，所以淨係叫左一個主食，其他都係小食。「可以一戰」電擊雞翼、炸薯條雞翼係一支骨，所以食果陣好方便，成舊放入口就搞掂。睇個樣我預計個味應該係小小甜酸汁既味道，但原來係有啲韓風甜辣既味道，仲有，佢係凍既！完全係比佢外表欺騙左。雞肉可能雪凍左既關係，有小小硬，不過勝在一支骨，方便左人咬。醬汁既辣味係當你吞果陣先會感覺到，好果十分滿分，佢個辣都有六七分，嗜辣者可以一戰。炸薯條個味道比較普通，係完全Ｍ記著條既口感，但，佢面頭竟然灑左調味粉，係Ｍ記既蜜糖芥末味，所以味道冇咩懸念。「屢見皆鮮」刺身盛Ｃ蝦超級大隻，好新鮮，食落冇雪味，中間啲蝦肉亦都冇雪到變冰，呢點唔係間間日本料理店做得到的。帆立貝溢滿檸檬味，我估佢上枱前應該有噴小小檸檬汁係面，唔只係放係佢格離咁簡單，所以咬果陣檸檬味做到提鮮既作用，當檸檬味散左後，係會食到帆立貝本身既鮮甜味。最後係三文魚，有三
可能因為係平日，我同朋友兩人一張枱都唔洗等就入得。店入面既環境冇乜特別，正常一間日本野既裝潢。
睇完MENU，好似樣樣都好食，我地就主打每樣叫小小，所以淨係叫左一個主食，其他都係小食。
「可以一戰」
電撃雞翼加炸薯條
21 views
0 likes
0 comments
電擊雞翼、炸薯條
雞翼係一支骨，所以食果陣好方便，成舊放入口就搞掂。睇個樣我預計個味應該係小小甜酸汁既味道，但原來係有啲韓風甜辣既味道，仲有，佢係凍既！完全係比佢外表欺騙左。雞肉可能雪凍左既關係，有小小硬，不過勝在一支骨，方便左人咬。醬汁既辣味係當你吞果陣先會感覺到，好果十分滿分，佢個辣都有六七分，嗜辣者可以一戰。炸薯條個味道比較普通，係完全Ｍ記著條既口感，但，佢面頭竟然灑左調味粉，係Ｍ記既蜜糖芥末味，所以味道冇咩懸念。
「屢見皆鮮」
刺身盛C
32 views
0 likes
0 comments
刺身盛Ｃ
蝦超級大隻，好新鮮，食落冇雪味，中間啲蝦肉亦都冇雪到變冰，呢點唔係間間日本料理店做得到的。帆立貝溢滿檸檬味，我估佢上枱前應該有噴小小檸檬汁係面，唔只係放係佢格離咁簡單，所以咬果陣檸檬味做到提鮮既作用，當檸檬味散左後，係會食到帆立貝本身既鮮甜味。最後係三文魚，有三件，但我地得兩個人，最後係靠包剪揼黎分，幸福女神既幫助下，係由我得到既。佢每件三文魚都切得好厚，每一件都可以分兩啖黎咬，口感豐富飽滿，好味！
「美中不足」
火焰左口魚邊牛油果沙律
18 views
0 likes
0 comments
火燄左口魚邊牛油果沙律
左口魚邊數量罕有，所以我地食果陣有好好珍惜。佢油脂分佈得好平均，每一啖都有左口魚油味，好鮮味。但配茶都略嫌稍遜，牛油果唔算上盛，咬落去有啲硬，就算獨立食個味道都唔討好，可能係個時節問題，呢度扣左小小分。沙律菜整體來說都係爽口既，但偶有一兩啖菜葉有啲苦，不過呢點廚師其實都好難避免，呢層都值得體諒。
「外脆內軟」
火炙鵝肝3點
9 views
0 likes
0 comments
火炙鵝肝３點
因為我係唔鐘意食鵝肝既，但係友人摯愛，所以好多都係佢包辦。我淨係食左件鰻魚壽司，鰻魚燒得剛好，外層係脆身，但又唔會食到燒焦既味，面頭既鰻魚汁似係有調過味，唔似係批發果啲公式化鰻魚汁味。要注意既係，鰻魚有小小骨，所以食果陣要嚼耐小小，避免啲碎骨卡係喉嚨。
「意料之外」
鰻魚牛油果班戟
44 views
0 likes
0 comments
鰻魚牛油果班戟
班戟皮係平時食班戟甜品既味道，冇懸念，但估唔到餐廳會諗到用黎包壽司。個皮係微熱但唔燙咀，應該係新鮮即叫即整。面頭既蟹子令到碟班戟升左幾級，一黎顏色配搭得非常恰當，二黎係數量一啲都唔吝惜，見到有吐口水既衝動。可能牛油果同沙律一樣，都係有啲硬。鰻魚就冇鵝肝壽司果件咁大件，但味道大同小異，都係有小小碎骨。
「蠔嚎毫豪」
燒日本廣島蠔
21 views
0 likes
0 comments
燒日本廣島蠔
食得日本料理就一定要叫燒物，我地就叫左兩隻燒日本廣島蠔一人一隻，廣島縣位於日本中部，作為日本首屈一指的蠔產地而聞名，而呢兩隻廣島蠔蠔熟度岩岩好，食得出係廣島蠔，配上檸檬、蒜蓉同芝士，配料更突出左蠔既鮮同甜味，焗芝士係面真係冇得輸。
「恰到好處」
宇治抹茶芭菲
19 views
0 likes
0 comments
16 views
0 likes
0 comments
宇治抹茶芭菲
最後就係甜品，呢個抹茶芭菲真係不得了，綠茶味好出，好濃，唔係落色素果隻綠咁。食落係好有乳酪雪糕既感覺，因為佢唔係好硬，唔夠挺身，食落好軟身，用條脷頂一頂就溶，抹茶香散佈係口腔，係幾正既。配料都唔馬虎，白玉、麻糬、百力滋、紅豆蓉，全部都有，好豐富。要特別提當中既麻糬，因為真係好軟熟，雖然係批發貨，但呢款唔係周街都有，白色細細粒果隻，呢款粉紅粉藍色既好有咬口，配埋芭菲食好正！
係服務上，店員都算周到，見個場唔爆，就比左張四人枱我地兩個食，抵我地叫咁多野食，哈哈！另外就係店員算幾親切，特別係黑衫既店員，（我估係店長），舉親手佢見到既話都會即刻應，又夠笑容，下次可再去！
韓式泡菜豚肉鍋
22 views
0 likes
0 comments
Post
