霸王山莊

Open Now

Now Closed

屋企人今晚揀咗喺尖沙咀屹立多年嘅京川滬菜館霸王山莊晚飯，貪佢地方就腳而且環境寬敞。餐廳分上下兩層、有大枱、有廂房，就算大家族食飯都可以好有私穩、一班人都唔怕嘈親人可以傾得盡興！傳統老店，值得支持！雞絲粉皮粉皮晶瑩剔透，青瓜絲和雞絲都非常足料。麻醬係精粹，芝麻味好突出，香濃，非常開胃。霸王小籠包必食招牌小籠包！皮薄餡靚，多汁好味！四川樟茶鴨富淡淡煙熏香氣的樟茶鴨，由選料到做法都非常講究，經典名菜果然名不虛傳。糖醋松子鮭魚炸魚外層卜卜脆之餘，內層嫰滑。淋上酸甜糖醋醬汁，加上松子仁，二人份量剛剛好！雪城高力豆沙三件脹卜卜嘅高力豆沙，豆沙餡唔會太甜，好似一陣風咁就消化曬。