別忘了

Open Now

Now Closed

呢間台式料理餐廳喺荃灣同太和都有分店，設有櫻花樹打卡位，主打90同120分鐘台灣火鍋，豬牛雞等無限追加，仲有多達30款配料、台灣夜市小食、甜品、期間限定熱食供應，款色多，性價比高，難怪深受大家歡迎，尤其是係六日公眾假期，想食嘅建議提早Book枱。湯底共10款，另會不定時推期間限定款色，今次有皮蛋芫荽豬骨湯、卜卜蜆同麻辣蕃茄。皮蛋芫荽豬骨偏清淡，個人會推沙茶，味道濃且入味。肉類方面要咗豬牛雞羊各一，勝在薄切唔嚡、炸物小食即叫即整，影響深刻嘅包括榴槤炸彈、地瓜球、魷魚鬚同炸魚皮。甜品控表示一定要留肚，Waffle熱辣辣，唔甜，外脆內軟熟，配紅豆同雪糕都好夾、冰沙、啫喱、豆腐花等比想像中大份，建議多人分享。另外值得一讚嘅喺餐廳嘅飲品，出邊閑閑地都$30-40呢度竟然可以任飲呀，大大力推介奶綠，飲落滑順，仲有配料可選擇，正呀。