Video
Read full review
2019-09-14
2331 views
友人在筲箕灣上班，經常向我推薦區內美食，尤其是位於東大街嘅食肆，說這條街道雖然全長只有數百米，但美食如雲，有快餐、粉麵、西餐，另外亦有日本菜，當中平民小食更是街知巷聞，雞蛋仔、碗仔翅、燒賣、魚蛋、沙嗲串燒等，應有盡有，簡直是個覓食天堂。 講起上嚟，其實我也很久沒去東大街搵食，趁這天公眾假期，一於過去逛逛。記得之前友人曾推介過一間撈麵店，說食物水準唔錯，本來打算過去一嘗，點知原來店舖已經結業。喺附近發現有間叫「峰G館」嘅冰室，細看門外餐牌，原來這裡有下午茶餐和菠蘿包等供應，見價錢經濟實惠，決定一試。推門內進，沒想到原來餐廳非常旺場，幾乎座無虛席，幸好剛巧有食客離開，不用排隊輪侯。店內面積不大，不過裝潢挺骨子。先拿起店員送上的餐牌細看，圖片印刷得很精美，色彩繽紛，而食物選項就包括有下午茶餐、峰峰菠蘿包、激正午餐、全日餐、湯麵類、每日精選、小食類，另外亦有飲品、特飲、峰峰雪糕特飲等。點了店員推介的「峰峰菠蘿包」同新出嘅「手工拌麵配香煎雞扒」($58)，另外還加了炸雞髀。手工拌麵率先送上，麵條份量十足，旁邊除了配有兩大塊雞扒外，還伴有豆腐乾、雞蛋同蔬菜，光看賣相已令人胃口大開了！先吃一口拌麵，
講起上嚟，其實我也很久沒去東大街搵食，趁這天公眾假期，一於過去逛逛。記得之前友人曾推介過一間撈麵店，說食物水準唔錯，本來打算過去一嘗，點知原來店舖已經結業。喺附近發現有間叫「峰G館」嘅冰室，細看門外餐牌，原來這裡有下午茶餐和菠蘿包等供應，見價錢經濟實惠，決定一試。
推門內進，沒想到原來餐廳非常旺場，幾乎座無虛席，幸好剛巧有食客離開，不用排隊輪侯。店內面積不大，不過裝潢挺骨子。
先拿起店員送上的餐牌細看，圖片印刷得很精美，色彩繽紛，而食物選項就包括有下午茶餐、峰峰菠蘿包、激正午餐、全日餐、湯麵類、每日精選、小食類，另外亦有飲品、特飲、峰峰雪糕特飲等。
點了店員推介的「峰峰菠蘿包」同新出嘅「手工拌麵配香煎雞扒」($58)，另外還加了炸雞髀。手工拌麵率先送上，麵條份量十足，旁邊除了配有兩大塊雞扒外，還伴有豆腐乾、雞蛋同蔬菜，光看賣相已令人胃口大開了！先吃一口拌麵，麵條煙韌彈牙，麻醬均勻地分佈在每一條麵上，非常美味，加入面頭灑滿芝麻粒，更添風味。雞扒亦很有水準，外表燒得金黃，雞皮脆卜卜，雞肉軟腍入味，肉汁豐富，而且吃不到雪味，美味可口，的確不錯。
炸雞髀配雜果沙律 ($38)，雞髀重而燙手，炸皮色澤金黃，吸睛又邪惡。雞皮鬆化酥脆，咬下有沙沙聲，雞肉嫩滑不韌，非常 Juicy，食落完全不油膩。雜果沙律加入了紅腰豆，用料豐富，教人吃得津津有味。
餐廳嘅峰峰菠蘿包有好多唔同款式，除了傳統嘅菠蘿油之外，仲可以配黑松露炒蛋、煙肉蛋、雞扒煎蛋、甚至冰凍的 3.6 牛乳雪山，而今次我哋就揀左特式豬扒菠蘿包 ($38)。菠蘿包入面有好多餡料，包括大大塊豬扒、生菜、番茄同芝士，菠蘿皮食落夠脆口，包身軟熟，豬扒軟腍又有肉汁，配菠蘿包吃，啖啖滋味。
飲品點了店員推的威龍紅豆冰 (+$12) 同香濃朱古力雪糕黑牛 (+$18)，原來所謂威龍紅豆冰即係奶茶紅豆冰，奶茶入口夠濃郁，紅豆超多，大粒飽滿，飲完透心涼，非常飽肚。另外雪糕黑牛口感亦很夠 creamy，冰凍的雪糕加上衝擊味蕾的可樂，別有一番風味。整體來說，餐廳的食物質素唔錯，而且選擇又夠多，店員態度殷勤，親切有禮，服務令人很滿意，有機會再嚟幫襯。
Post
