Video
Read full review
2025-04-15
157 views
一間新開嘅日式餐廳，之前途經已經被佢嘅門面吸引，今日終於抽到時間過嚟試一試。呢度提供嘅選擇好多，除咗Omakase，仲有壽司、和食、小食等等。今日特意選咗個「大滿足壽司定食」，仲加咗幾款小食。壽司定食好豐富，包含11貫壽司以及海膽三文魚子碎拖羅飯。師傅已經為每件壽司調味得啱啱好，加上食材好新鮮，可以唔使額外加豉油，重點品嚐魚生嘅鮮味。而且，師傅非常細心，因應個人口味，特意為我每樣食物都去除咗蔥。壽司定食仲包括我最愛嘅茶碗蒸，材料非常豐富，加入咗蟹肉、魚子、蝦同帶子，味道細膩，好有驚喜。喜知次壽司絕對係壽司嘅期待之選，師傅輕輕燒過令油脂更加突出，味道香濃，齒頰留香。拖羅👍🏻👍🏻👍🏻 定食裏面包括中拖羅、大拖羅以及火炙拖羅，呢度拖羅質素一流，肉質細膩，鮮甜肥美，入口即溶，真心令人食過返尋味，十級推薦！螢光魷魚第一次試螢光魷魚壽司，味道非常濃郁，層次豐富，好值得一試。鯖魚壽司上面特別鋪咗一塊醃過嘅蘿蔔薄片，食落清新爽口，仲帶有脆脆嘅質感，好有心思。左口魚邊表面燒至焦香但保留咗內裏爽脆嘅口感，味道層次豐富，非常出色。牡丹蝦壽司大大隻嘅牡丹蝦，賣相一流，蝦表面輕輕燒過後味道更濃郁，師傅仲用蝦膏
一間新開嘅日式餐廳，之前途經已經被佢嘅門面吸引，今日終於抽到時間過嚟試一試。呢度提供嘅選擇好多，除咗Omakase，仲有壽司、和食、小食等等。今日特意選咗個「大滿足壽司定食」，仲加咗幾款小食。
壽司定食好豐富，包含11貫壽司以及海膽三文魚子碎拖羅飯。師傅已經為每件壽司調味得啱啱好，加上食材好新鮮，可以唔使額外加豉油，重點品嚐魚生嘅鮮味。而且，師傅非常細心，因應個人口味，特意為我每樣食物都去除咗蔥。
壽司定食仲包括我最愛嘅茶碗蒸，材料非常豐富，加入咗蟹肉、魚子、蝦同帶子，味道細膩，好有驚喜。
喜知次壽司
絕對係壽司嘅期待之選，師傅輕輕燒過令油脂更加突出，味道香濃，齒頰留香。
拖羅👍🏻👍🏻👍🏻
定食裏面包括中拖羅、大拖羅以及火炙拖羅，呢度拖羅質素一流，肉質細膩，鮮甜肥美，入口即溶，真心令人食過返尋味，十級推薦！
螢光魷魚
第一次試螢光魷魚壽司，味道非常濃郁，層次豐富，好值得一試。
鯖魚壽司
上面特別鋪咗一塊醃過嘅蘿蔔薄片，食落清新爽口，仲帶有脆脆嘅質感，好有心思。
左口魚邊
表面燒至焦香但保留咗內裏爽脆嘅口感，味道層次豐富，非常出色。
牡丹蝦壽司
大大隻嘅牡丹蝦，賣相一流，蝦表面輕輕燒過後味道更濃郁，師傅仲用蝦膏整咗個軍艦壽司，蝦味濃郁，非常滿足。
刺身丼
刺身丼呈現得非常精美，真係唔捨得破壞佢。用料誠意十足，配料豐富，香甜嘅海膽、飽滿魚子加上大量吞拿魚蓉，刺身下面仲有醃蘿蔔，為整體口感增添變化。玉子入口香甜，簡直係意外嘅驚喜。
呢間餐廳真係充滿誠意，材料好新鮮，好幾款菜式都印象深刻，期待下次再嚟🍣✨
Post
