1
Lunch時段嘅套餐都幾抵食，而且仲有開業激賞有8折，吸引不少客人前來品嘗。今次就試左佢地嘅「瀧」及「宴」set，前者有前菜、刺身、鮑魚、蝦、牛肉、炒什菜、炒飯及面豉湯，而後者有前菜、刺身、壽司、鵝肝、蝦、牛肉、炒什菜、炒飯及面豉湯!
前菜，當日前菜係高野豆腐配上菇，味道清甜。
刺身，當日嘅刺身分別有碟魚、油甘魚、牡丹蝦、馬刀貝，刺身新鮮鮮甜，十分厚切!
壽司，壽司分別係牡丹蝦壽司及馬刀貝壽司，壽司飯不會大過刺身，食落岩岩好!
香煎鵝肝伴自家制醬汁，鵝肝面層煎到脆身，味道濃郁甘香，十分惹味!
野生南非鮑魚，鮑魚用上黑椒調味，帶有微辣，口感爽口彈牙!
野生大虎蝦，廚師先整開虎蝦的頭煎香，蝦頭多膏，蝦肉鮮甜彈牙!
米國頂級牛肉，牛肉有薄燒同埋厚切，薄燒牛肉包有蔥絲及炸蒜，牛肉味道濃郁，而厚切牛肉好juicy!
炒飯，炒飯加上櫻花蝦同埋太陽蛋，食嘅時候刺穿蛋黃加入蛋汁，令飯更滑身，口感更豐富!
2
