白石燒烤

Open Now

Now Closed

最近襯天氣唔係好熱，去食燒烤就啱哂啦。坐地鐵去到烏溪沙站，出站就會有shuttle去白石燒烤場，車程10分鐘左右。去到燒烤場可以望到海景，場內仲有唔少攤位遊戲，我見有小朋友贏咗5隻公仔，又可以玩又可以燒嘢食。講到白石燒烤，一定要數佢哋嘅王牌之選，金牌乳豬、香草有骨羊髀、琵琶鴨和古法吊燒雞。由於供應有限，上市嘅朋友一定要提前預約。今次我就預早訂咗一隻古法吊燒雞。雖然我係燒烤新手，但係燒烤場好貼心咁每人準備咗一本手冊，詳細介紹咗每一款食物所需要嘅燒製時間，咁樣新手都冇有怕啦。等到燒雞外層轉色又有焦香，咁就大功告成。原隻燒雞嘅好處係可以鎖住肉汁，雞皮又好香脆，一定要試下。另外仲叫咗一個五人餐，包含：彈牙海中蝦蒜蓉帶子紐西蘭青口蜜汁叉燒雞扒豬扒雞中翼海鮮三寶丸爆汁芝士腸雞肉腸台式脆皮腸日本甜薯香甜粟米水汽水值得一提佢地每一款食物都有獨位包裝，肉類仲預先調左味，真係衛生又方便。同朋友玩到10點先肯走，下次可以再嚟。