最近同媽咪去咗朗豪坊二樓嘅星壹點心，試咗佢哋晚市嘅一人火鍋優惠
呢度全天候供應手工點心，而且晚市重有一人火鍋可以揀，適合鍾意獨享或者細食嘅朋友。餐廳位置方便，就喺朗豪坊二樓，大家嚟嘅時候記住唔好去錯其他分店呀
我今次試嘅係「美國肥牛一人鍋」，可以自選湯底，有三款選擇：芫荽蕃茄湯、農鄉醬油湯同牛油咖喱雞湯
雖然我本來係想試吓和牛極上上牛肩胛火鍋，但當日已經冇賣啦！好可惜😭
店員推薦咗醬油湯同芫荽蕃茄湯，芫荽蕃茄湯較推薦味道清新，帶微微酸甜，適合鍾意輕口味嘅人，而且呢個湯底綠稻庭烏冬係非常入味，醬油湯底相對就較為偏甜
火鍋材料包括美國肥牛、三粒明太子蝦滑、兩隻青口同蝦，
另外重有一盤健康蔬菜配，裏面有生菜、雞髀菇、蘿蔔同粟米，
附送一個稻庭烏冬，整體份量足夠，食得飽肚
美國肥牛油脂分佈以脂肪分布較為多，對於鍾意食肥牛或者鍾意食比較肥嘅牛肉嘅朋友來講，應該會幾滿足。
而全晚最令我印象深刻嘅，絕對係個「明太子蝦滑」！蝦滑食到真係有蝦肉嘅口感，入面釀入咗明太子，食落鹹香鮮味，味道同質感都相當唔錯，係值得encore嘅item！
另外仲有兩隻青口蝦尚算可以接受
餐廳強調無預製品，價錢中等，手工點心即叫即做，保持食物新鮮同質感。如果你喺朗豪坊附近想搵個地方慢慢食，呢度嘅一人火鍋同點心都值得一試！
朗豪坊星級點心結合咗手工點心同一人火鍋，湯底選擇多，材料豐富，適合忙碌中想享受一餐簡單又滿足嘅你。記得嚟二樓分店，唔好走錯呀
✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫
加🔟服務費：✅
💰人均消費：$110
