Video
Read full review
2025-05-19
413 views
另一半好有心自己訂咗呢間餐廳幫我慶生，嚟之前我偷偷睇過啲評價好似麻麻哋，又話食物唔掂，又話員工態度好差，但係既然一番心意訂咗，就抱住伏嘅心情照去啦。 點知竟然有驚喜首先職員態度值得一讚，有禮貌，又肯幫忙，餐飯食得好舒服，我比like餐廳個環境舒適，每一幅牆都有唔同嘅特色設計，無論咩角度影相打卡都靚，唯一可惜嘅就係餐廳喺鬧市中，玻璃窗出邊係藥房景😂想打卡都係影返餐廳內嘅環境啦！食物方面亦有質素，嚟到見到擺盤靚，賣相精緻，本身以為係打卡食物，睇得唔食得，食落發覺唔係喎味道堅得！豬頸肉泰式肉碎蛋包飯賣相好似座山咁，豬頸肉炒得好惹味蛋皮夠晒滑，雖然好多醬汁撈埋啲飯一齊食，但又唔會過鹹喎！諗起都流口水，想再去食多次！原隻波士頓龍蝦意大利扁麵🦞真真真係成隻龍蝦上，有埋工具俾你開隻龍蝦食，啖啖肉仲有埋蝦膏，個扁面好入味，掛晒汁，唔鍾意食麵嘅我都可以食兩碗自己幻想吓有幾好味！法式香橙雞肉意大利飯我個人好鍾意水果入饌嘅菜式，香橙酸酸甜甜，中和返成餐飯嘅油膩感，雞肉真係略嫌過熟嚡咗少少，但係都唔影響濃郁香滑嘅意大利飯。最後甜品叫咗 心太軟雪糕新地🍨 雲呢拿雪糕穩陣冇得輸，心太軟做到外脆內軟，朱古力流心夾埋
點知竟然有驚喜首先職員態度值得一讚，有禮貌，又肯幫忙，餐飯食得好舒服，我比like
餐廳個環境舒適，每一幅牆都有唔同嘅特色設計，無論咩角度影相打卡都靚，唯一可惜嘅就係餐廳喺鬧市中，玻璃窗出邊係藥房景😂想打卡都係影返餐廳內嘅環境啦！
食物方面亦有質素，嚟到見到擺盤靚，賣相精緻，本身以為係打卡食物，睇得唔食得，食落發覺唔係喎味道堅得！
豬頸肉泰式肉碎蛋包飯
賣相好似座山咁，豬頸肉炒得好惹味蛋皮夠晒滑，雖然好多醬汁撈埋啲飯一齊食，但又唔會過鹹喎！諗起都流口水，想再去食多次！
原隻波士頓龍蝦意大利扁麵🦞
真真真係成隻龍蝦上，有埋工具俾你開隻龍蝦食，啖啖肉仲有埋蝦膏，個扁面好入味，掛晒汁，唔鍾意食麵嘅我都可以食兩碗自己幻想吓有幾好味！
法式香橙雞肉意大利飯
我個人好鍾意水果入饌嘅菜式，香橙酸酸甜甜，中和返成餐飯嘅油膩感，雞肉真係略嫌過熟嚡咗少少，但係都唔影響濃郁香滑嘅意大利飯。
最後甜品叫咗 心太軟雪糕新地🍨
雲呢拿雪糕穩陣冇得輸，心太軟做到外脆內軟，朱古力流心夾埋伴碟嘅莓果一齊食，簡直係絕配！
總括嚟講，呢餐生日飯好滿意！
多謝
Post
