濟州燒肉食堂

Open Now

Now Closed

📍聚餐首選！喺北角匯環境清靜嘅韓燒餐廳，仲可以食到泡菜蛋同芝士粟米，今次揀雅韻釜山饗宴($688)豬、牛、雞、海鮮同湯品都有齊晒～個餐肉肉分別有濟州黑毛豬梅花肉、五花肉、和牛牛五花、牛小排同蘋果梨汁雞肉，幾款都係平時韓燒會嗌開嘅餐廳。比想像中驚喜嘅係雞肉，真係食落有好香甜嘅果香味又多汁，燒到微焦包埋菜就最好食！另外仲會有原大八爪魚，佢係軟腍唔係彈牙嗰種，大醬湯入邊有蜆肉同牛肉都好鮮味。石頭鍋飯($98)必點！大大鍋記得焗一陣咁就可以刮到原塊飯焦，仲香脆過煲仔飯。泡菜煎餅($118)同樣都大塊香口，凍咗嘅話仲可以燒返嚟食。