Outdark (飛達商業中心)

Open Now

Now Closed

今晚黎到呢一間人氣高企，主打韓國人煮理，所有食物都係自製的韓國餐廳。好在有訂枱，見到walk in 等枱的人都唔少。門口有部免費自拍相機，等位時都可以玩下打發下時間。半份炸雞$138兩個人叫半份就真係剛好，有五至六件炸雞，炸得好香口得黎入面仲保留到肉汁，薯條同薯條都好食，因為表面都係芝士粉🤣🤣海鮮蔥煎餅$138好多蝦，八爪魚粒同蔥，食落有層次又有口感，點埋佢個特別嘅醬汁，好食😋串串魚糕湯$228呢個魚糕湯真係好多料，有魚糕，獅子狗，青口，魷魚，鵪鶉蛋，年糕，粉絲，金菇；先入啖湯，入口感覺好清新。Mango Ade $48Mojito Ade $48兩杯都好fresh，入面仲有好多粒蘆薈粒，增加咬口。呢度啲野食大大份，個vibe又好有格調，好適合一大班朋友黎gathering。