PizzaExpress (青衣城2)

Open Now

Now Closed

想試呢間好耐，今日終於去左🥺去到個陣6點幾，但都唔算好多人，我地兩個人一入去就有位，望出去就見到樓下個露天草坪同個海旁，個境都幾靚同幾舒服，但個枱有啲窄。我地叫左個二人餐，包一個頭盤，兩個主菜同兩杯汽水，然後我地加多左個甜品。我地叫左個意式焗肉丸做頭盤。佢好快就上菜。menu上面個肉丸有個辣椒仔係到，但黎到一啲都唔辣，仲熱辣辣幾好食，啱曬食唔到辣既我🤫同埋個麵包球啱焗既，好脆好正，我地好快就掃曬落肚😋然後我地一個正餐叫左卡邦尼忌廉意粉，佢既份量唔多。個忌廉汁唔會好膩，上面d培根好好食，不過唔太食到芝士味。然後另一個主菜叫左蜜糖雞肉薄餅。個薄餅上面係蕃茄醬。但上面只有小量既雞肉，我都食唔出蜜糖味係邊，有d小失望。但一個蕃茄薄餅黎講，佢真係好好食，個薄餅啱啱焗，好熱又好脆，同個醬好夾。然後我地仲加左個心太軟，佢入面個流心朱古力真係好濃，個外層又好脆，真係好正。然後士多啤梨點朱古力真係冇得輸。不過呢餐真係幾貴，一個人食左200蚊左右🥺