新香園 (堅記)

Open Now

Now Closed

落深水埗買啲野。當然都要食下野。一諗就係呢到既蛋牛治。成四點鐘都仲有好大條人龍。等左成兩個字先有得入。坐低唔洗諗就叫得。識得食一定食蛋牛治。其實每個人入嚟八九成都係食佢。鮮牛肉切碎用沙嗲腌好。拌入蛋漿煎香。夾上方包就掂。個人黎講鐘意烘底。貪佢脆口。而內蛋外面煎得香口牛肉同蛋都內裡剛熟。三四啖就解決左。意猶未盡。就黎個淨豬手。呀姐講到明呢個豬手係見我靚仔先咁大件。不過就一定足六件。豬手炆得淋滑入味。十足骨膠原。絕對不能錯過！