The Farmhouse 咖啡廳

◇ 春祭り日本主題自助餐 ◇The Farmhouse 定時會推出不同主題自助餐，踏入春季他們推出應節嘅「春祭り日本主題自助餐」，豐富美食，餐廳環境寬敞，木系色調同主題好夾，用餐之餘亦有維港夜景相伴。自助餐提供海鮮、冷盤、日式刺身、熟食、甜點之外，亦有冰鎮海鮮同冰鎮刺身，冰鎮海鮮有龍蝦、凍蝦、蟹腳、螺、青口、鮑魚等，尤其喜歡鮑魚，肉質非常爽口；而冰鎮刺身有多款魚類包括吞拿魚、三文魚、小編特別喜歡帶子，超級大隻喔！日式方面有受歡迎嘅免治雞肉棒，亦有多款串燒可供選擇，想食拉麵的話亦會即叫即做，多款配菜一定有你喜歡。不能不提嘅係甜品區，尤其雪糕，十多款口味小編一次過叫兩杯，開心果味真係好正。飲品有各種茶咖啡同汽水，小編特意叫咗西柚汁，冰涼清甜。由即日起，如果加入The Farmhouse 咖啡廳會員，會員網購價可享低至6折優惠，連服務費$282.6起，非常抵食。另外亦可儲會員積分，消費儲積分可換免費自助午餐及晚餐，亦可兌換更多其他獎賞！