Video
Read full review
2025-05-09
0 views
第二次食呢間餐廳， 熱量爆炸，印象中有啲餸都還可以嘅，所以再嚟幫襯多次！ 等位/入座： Openrice 訂左位， 唔使等。 平日夜晚七點，感覺上都唔係好多人。 環境： 空間闊落，燈光都好光猛。不過要上一層樓梯先會去到餐廳。 落單/上菜：QR code落單，上菜都算係正常速度。 食物： 燕麥蝦，$188。之前喺新加坡嘅熟食市場已經食開，真還原風味。 不過當然比起新加坡食嘅時候貴啦。 五六隻蝦，賣將近200蚊，自己衡量下。 咖啡骨，$128。 佢應該咁多度餸入面，甜得黎唯一苦到尾。係特別嘅，不過未必係特別到你會想食第二次第三次。 辣蟹肉忌廉醬蛋麵配大蝦，$178 。 你唔講入面又有蟹肉，我係唔會知道。因為佢係有配兩隻大蝦，但菜單冇寫。 味道好食的， creamy但唔油膩。 咖椰爆漿，$68。食呢個就真係考驗友情嘅時候，你真係要同friend share。因為望住啲牛油你係會死的，入邊仲有咖央醬不得了。美祿爆炸，$58 。 反正都係熱量地獄，唔爭在啦。 甜甜甜甜甜，喜愛甜到嘅人會愛死佢。 用餐時間：七點食到九點半。 冇人趕你走，亦都唔係太多人。 總結：適合聚餐分享嘅餐廳。 cp值唔高。好食
等位/入座：
Openrice 訂左位， 唔使等。
平日夜晚七點，感覺上都唔係好多人。
環境：
空間闊落，燈光都好光猛。不過要上一層樓梯先會去到餐廳。
落單/上菜：
QR code落單，上菜都算係正常速度。
食物：
燕麥蝦，$188。之前喺新加坡嘅熟食市場已經食開，真還原風味。 不過當然比起新加坡食嘅時候貴啦。 五六隻蝦，賣將近200蚊，自己衡量下。
咖啡骨，$128。 佢應該咁多度餸入面，甜得黎唯一苦到尾。係特別嘅，不過未必係特別到你會想食第二次第三次。
辣蟹肉忌廉醬蛋麵配大蝦，$178 。 你唔講入面又有蟹肉，我係唔會知道。因為佢係有配兩隻大蝦，但菜單冇寫。 味道好食的， creamy但唔油膩。
咖椰爆漿，$68。食呢個就真係考驗友情嘅時候，你真係要同friend share。
因為望住啲牛油你係會死的，入邊仲有咖央醬不得了。
美祿爆炸，$58 。 反正都係熱量地獄，唔爭在啦。 甜甜甜甜甜，喜愛甜到嘅人會愛死佢。
用餐時間：七點食到九點半。 冇人趕你走，亦都唔係太多人。
總結：適合聚餐分享嘅餐廳。 cp值唔高。好食不過偏甜。 唔鍾意甜嘅朋友，就唔好點甜嘅飲品，否則你食嘅餸又係甜飲嘅都係甜。
Post
