申子居酒屋

Open Now

Now Closed

今日嚟旺角食lunch，一直想試下呢間日式居酒屋，入到去見到空間好似比較細，以為只有一排bar枱位，原來暗藏玄機，樓梯上去二樓空間好大，店員安排咗我哋坐卡位，座位好舒服😌裝修風格走型格路線，昏暗嘅黃色燈光好有格調。店員帶位後便奉上熱茶，茶夠晒熱，你好體貼地準備咗消毒濕紙巾, 🥢筷子都有筷子套，好衛生。極上鹽燒牛舌芯牛舌芯係牛舌中最軟腍最軟滑的位置，鹽燒係最佳嘅烹調方法，牛舌燒到外皮香脆，咬落去爽口不膩，牛香味咀嚼過程中慢慢慘出，原汁原味🤩另外可以再配特製嘅檸檬鹽醬，酸酸鹹鹹更能帶出牛舌嘅鮮味，十分推薦👍🏻👍🏻👍🏻日本宮島穴子丼穴子，又名星鰻，係日本宮島名物，肉質比鰻魚結實而且唔會食得有骨，外皮加咗芝麻同醬汁燒到好香，份量都好多，有8大件。底下嘅係壽司飯，醋嘅酸味同甜味平衡得啱啱好，米飯軟熟，粒粒分明，撈埋上面嘅甜醬汁好正，食呢個飯有去日本旅行嘅感覺😍推薦👍🏻👍🏻飯餐配上漬物同昆布麵豉湯，漬物酸酸地好開胃；麵豉湯有好多昆布，口感爽口。手作墨魚棒配日本蛋🥚呢個月見墨魚棒賣相好吸引，外皮以醬汁燒香，內裏係爽口彈牙嘅墨魚膠，再沾上日本生雞蛋，配合香濃嘅蛋味好正，剩返嘅蛋漿加醬汁仲可以撈飯食😋整