串燒王 (祥興樓)

Open Now

Now Closed

深夜喺旺角，同朋友想搵個地方坐低食吓嘢傾吓偈，於是我哋就去咗一間開到好夜嘅串燒店。沙嗲雞肉串雞肉串肉嫩多汁，沙嗲醬幾香濃，帶有微微花生香，食起嚟唔太辣。 雞軟骨雞軟骨口感幾酥脆，咬落去好有回彈感！厚切牛舌芯牛舌厚切，肉質滑嫩，咬落幾軟腍。牛舌上面灑滿調味粉，有好濃郁孜然味。 深海大墨魚咀墨魚咀肉質小小煙靭緊實，咬下去時帶有微彈感，口感好過癮。 雞全翼雞全翼外皮香脆，色澤金黃，肉質鮮嫩多汁，口感獨特。香料味道濃郁同雞肉好夾好入味。法式焦糖鵝肝多士多士酥脆，鵝肝滑順，口感好rich，入口即溶。 鵝肝濃郁再配上焦糖香味，味道同口感層次都好豐富，好好食。 甜蜜玉子燒玉子燒口感柔軟滑嫩，帶有淡淡既甜味。玉子燒外表金黃，好吸引。