甜悅

Open Now

Now Closed

好耐無約朋友食甜品啦，今次去左甜悅呢間旺角新開甜品店，多款中西式甜品任君選擇🤩楊枝甘露椰皇燉蛋配湯圓芋圓（凍）（$62）將經典楊枝甘露同椰皇燉蛋結合好特別。燉蛋白口感軟滑，入口即化，啖啖濃郁椰香。燉蛋白醇厚椰香與楊枝甘露的酸甜（芒果+西柚）形成對比，更突出清爽感。加上芋圓軟糯煙韌，增添Q彈口感，食完好飽足~D24 榴槤芭菲杯（$58）榴槤肉香甜，配曲奇雪糕，爽口椰果同香脆粟米片，味道層次豐富，一啖食到多款口感味道，一次滿足幾個願望，係味蕾享受，令人「榴槤」忘返！火炙芝士蛋糕 （$46）表面火炙焦糖層脆而不苦，芝士蛋糕奶香柔軟，口感綿密，焦糖層同輕乳酪軟滑質地形成反差，口感層次豐富！蜜瓜紫米露（$34）蜜瓜香甜多汁，紫米軟糯，配上香濃椰汁，香甜綿密。蜜瓜與紫米搭配意外地和諧，甜度低且富飽足感，適合養生人士。