Video
Read full review
2024-08-07
548 views
其實呢一間都食過幾次，勁啱一大班朋友過嚟食，大家一齊飲吓酒其實幾開心。知道佢係過江龍，又話係韓國人落手做，講到明全部啲嘢自家製，食過幾次都覺得水準一直高質，所以成日幫襯。但係唔知點解同啲朋友食嘅時候，從來都冇嗌過芝士炒雞，今次難得試一試覺得幾正，所以就同大家分享吓。‣ 雙拼炸雞 $208我自己最鍾意都係香蒜蜜糖同埋甜辣味，雙拼嘅份量真係超級大份，而佢嘅香蒜蜜糖唔會話太重蒜頭味，食完個口都唔會太臭，我都幾鍾意。但係我自己一直都係偏好甜辣味，仲有啲花生灑面好正。佢啲炸雞真係食完唔會覺得喉嚨痛，都唔會覺得太油膩，冇一次嚟係冇嗌到炸雞。‣ 芝士炒雞 $328佢哋嘅芝士炒雞我已經揀咗普通冇咁辣，但係食嘅時候個鼻都係有啲唔爭氣。不過我都幾鍾意佢嘅辣度，配埋啲芝士食真係一流，啱啱好中和到之餘，又令到個口感更加豐富。佢隔離仲有啲泡菜、薯蓉、雞蛋同埋紫菜飯，所以食嘅時候都唔會覺得好膩。而佢啲雞肉嘅份量真係超級多，一啲都唔可以睇小，加上仲有啲年糕，聚會嘅時候幾個朋友嗌嚟食真係一流。食嘅時候覺得始終唔係油炸，好似比較健康啲，少啲罪惡感，所以一食就食好多。‣ 熱情果梳打 $48之前嚟都好似冇見過佢，咁啱佢又標
‣ 雙拼炸雞 $208
我自己最鍾意都係香蒜蜜糖同埋甜辣味，雙拼嘅份量真係超級大份，而佢嘅香蒜蜜糖唔會話太重蒜頭味，食完個口都唔會太臭，我都幾鍾意。但係我自己一直都係偏好甜辣味，仲有啲花生灑面好正。佢啲炸雞真係食完唔會覺得喉嚨痛，都唔會覺得太油膩，冇一次嚟係冇嗌到炸雞。
‣ 芝士炒雞 $328
佢哋嘅芝士炒雞我已經揀咗普通冇咁辣，但係食嘅時候個鼻都係有啲唔爭氣。不過我都幾鍾意佢嘅辣度，配埋啲芝士食真係一流，啱啱好中和到之餘，又令到個口感更加豐富。佢隔離仲有啲泡菜、薯蓉、雞蛋同埋紫菜飯，所以食嘅時候都唔會覺得好膩。而佢啲雞肉嘅份量真係超級多，一啲都唔可以睇小，加上仲有啲年糕，聚會嘅時候幾個朋友嗌嚟食真係一流。食嘅時候覺得始終唔係油炸，好似比較健康啲，少啲罪惡感，所以一食就食好多。
‣ 熱情果梳打 $48
之前嚟都好似冇見過佢，咁啱佢又標記住係新嘢，所以就試一試。喺落單嘅時候發現仲可以少甜，我都即刻少甜咗，所以飲第一啖嘅時候就好鍾意，唔會太甜影響咗個食慾。除咗熱情果蓉喺入面之外，仲有啲椰果，始終都係酸酸甜甜，解膩一流。
Post
