昭和食堂

Open Now

Now Closed

今日去咗灣仔嘅昭和食堂，餐廳嘅風格主要以日式復古為主。牆上掛滿咗懷舊畫。好似去到日本嘅昭和時期。好多創意菜式。好多都未曾見過。啱晒鍾意探索新嘢嘅我。價錢方面都算抵食，可以無限回訪嘅一間店。牛舌：非常嫩滑肥美多汁，搭配醬油，味道冇得彈。煙肉車厘茄：煙肉嘅鹹香與車厘茄的酸甜完美結合，真的好開胃。雞肉丸：外脆內嫩，雞肉鮮味一咬即溶，味道十分出色。雞軟骨：口感彈牙，配合香料香氣，燒到好香口。酒盜配芝士脆餅：黃色脆餅包住香濃酒盜，淡味芝士剛好中和濃郁，完美搭配。炸海鰻魚骨：外脆內軟，咸香適中，酒席上嘅好伴侶。鳥唐揚：外層酥脆，雞肉鮮嫩多汁，令人回味無窮。海膽魷魚卷：海膽鮮甜與魷魚彈性相得益彰，口感享受。吞拿魚鱈魚餅：鱈魚餅底濃郁，吞拿魚一口特別口感，味蕾盛宴。蟹意帆立貝：粉紅色餅底釀滿蟹膏，帆立貝爆滿，每一口都充滿鮮味。