Video
Read full review
2025-02-24
1204 views
今次嚟咗呢間＜吔咩嗲 吔嘢事無所＞觀塘最近新開嘅分店🍱 (本身荃灣有一間)佢哋主打就係日式家庭料理定食，可以選擇唔同嘅冷或熱盤，拼做一個定食，有啲小食係要加錢嘅，不過都係豐儉由人✨第一個餐，$99有三款熱菜加一款冷菜，包括有法式藍莓醬佐鴨胸，秘製Masala雞，海老明太子伴西蘭花，自家製溫泉蛋配花椒鰹魚汁。藍莓醬好甜鴨胸亦都好香，推介！雞肉嫩滑，但醬汁唔算好特別；新鮮爽口嘅蝦配明太子同西蘭花，係穩陣嘅組合〜第二個餐，$89兩款熱菜+1款涼菜，包括鹿兒島吉列黑豚肉餅，雞皮餃子🥟配自家製香草檸檬腐乳醬(+$15)，左口魚秋葵伴柚子醋櫻花蝦🍤(+$20)，飯加牛油蔥花+櫻花蝦＋醬油 (+19)，最後total$143一定要嗌個左口魚嚟試！同柚子醋十分夾，酸酸地同時帶柚子嘅清新，肉質亦都好彈牙充滿魚油香，亦都好開胃；豚肉餅外皮香脆，咬落去有聲，不過肉汁偏少，炸衣唔會好厚，但係整體上都偏乾；雞皮餃子都略嫌唔夠脆，腐乳醬味都唔算出；櫻花蝦好香，不過就算有牛油，個飯都比較乾少少，所以成個set食落，都要係咁飲水，可能唔嗌呢個配搭好啲😂總括而言，小菜的確係有啲特別出色，選擇係十分重要，不過擺盤同佈置都
佢哋主打就係日式家庭料理定食，可以選擇唔同嘅冷或熱盤，拼做一個定食，有啲小食係要加錢嘅，不過都係豐儉由人✨
第一個餐，$99有三款熱菜加一款冷菜，包括有法式藍莓醬佐鴨胸，秘製Masala雞，海老明太子伴西蘭花，自家製溫泉蛋配花椒鰹魚汁。藍莓醬好甜鴨胸亦都好香，推介！雞肉嫩滑，但醬汁唔算好特別；新鮮爽口嘅蝦配明太子同西蘭花，係穩陣嘅組合〜
第二個餐，$89兩款熱菜+1款涼菜，包括鹿兒島吉列黑豚肉餅，雞皮餃子🥟配自家製香草檸檬腐乳醬(+$15)，左口魚秋葵伴柚子醋櫻花蝦🍤(+$20)，飯加牛油蔥花+櫻花蝦＋醬油 (+19)，最後total$143
一定要嗌個左口魚嚟試！同柚子醋十分夾，酸酸地同時帶柚子嘅清新，肉質亦都好彈牙充滿魚油香，亦都好開胃；豚肉餅外皮香脆，咬落去有聲，不過肉汁偏少，炸衣唔會好厚，但係整體上都偏乾；雞皮餃子都略嫌唔夠脆，腐乳醬味都唔算出；櫻花蝦好香，不過就算有牛油，個飯都比較乾少少，所以成個set食落，都要係咁飲水，可能唔嗌呢個配搭好啲😂
總括而言，小菜的確係有啲特別出色，選擇係十分重要，不過擺盤同佈置都十分有心思睇，得出每款食物都有細心構思，唔係Hea〜唔係最爆場嘅時間，但係都等咗20分鐘先上菜，心急人士要注意。坐多一陣都好快full左建議要book枱！
Post
