Video
Read full review
2024-02-04
55 views
無無聊聊嘅星期六，又係自私食嘅好時機想食好味嘅日本嘢，去咗澳門逸園中心的19樓既磯野水產。我12:00佢哋啱啱開舖就去到，所以係餐廳當日嘅第一台客。餐廳大大嘅玻璃窗投入溫暖嘅陽光，加上充滿日式風情嘅裝修，令人感覺舒適自在。我叫咗個磯野昼食c 餐（$538）。另外叫咗個巨蜂乳酸梳打（$42）。職員喺我落單之前已經奉上免費嘅迎賓餐前菜比我，餐前菜係提魚醬配蔬菜條。提魚醬配蔬菜條：提魚醬主要係由沙甸魚多春魚同埋牛奶整成，好有鮮味同鹹香味喎！配搭清新嘅青瓜條沙角條同埋紅蘿蔔條，中和返番個鹹味，味道就啱啱好喇！火炙三色沙律：火炙過嘅三文魚，左口魚同埋吞拿魚配埋新鮮嘅車厘茄同沙律菜，加上開胃嘅香醋，感覺清新。先付四點：四點包括醬漬牛蒡及蕎頭，再加上油甘魚刺身及吞拿魚刺身. 牛蒡同蕎頭都好幼嫩，經過醃製之後味道令人好開胃。而兩款刺身都非常新鮮。海鮮蒸蛋：三文魚及吞拿魚同雞蛋一齊蒸熟，雞蛋吸收咗海鮮嘅精華。最後灑上脆口蟹籽同蒸蛋一齊食，增加咗口感層次。浜燒蘇格蘭蟶子：蟶子爽脆鮮味，火候控制得啱啱好。浜燒北海道帆立貝：帆立貝好大隻，一啲都唔un, 中心位置好軟熟。鍾意佢連埋個膶，味道好濃郁。記得唔好嘥飲
想食好味嘅日本嘢，去咗澳門逸園中心的19樓既磯野水產。
我12:00佢哋啱啱開舖就去到，所以係餐廳當日嘅第一台客。餐廳大大嘅玻璃窗投入溫暖嘅陽光，加上充滿日式風情嘅裝修，令人感覺舒適自在。
我叫咗個磯野昼食c 餐（$538）。另外叫咗個巨蜂乳酸梳打（$42）。職員喺我落單之前已經奉上免費嘅迎賓餐前菜比我，餐前菜係提魚醬配蔬菜條。提魚醬配蔬菜條：提魚醬主要係由沙甸魚多春魚同埋牛奶整成，好有鮮味同鹹香味喎！配搭清新嘅青瓜條沙角條同埋紅蘿蔔條，中和返番個鹹味，味道就啱啱好喇！
火炙三色沙律：火炙過嘅三文魚，左口魚同埋吞拿魚配埋新鮮嘅車厘茄同沙律菜，加上開胃嘅香醋，感覺清新。
先付四點：四點包括醬漬牛蒡及蕎頭，再加上油甘魚刺身及吞拿魚刺身. 牛蒡同蕎頭都好幼嫩，經過醃製之後味道令人好開胃。而兩款刺身都非常新鮮。
海鮮蒸蛋：三文魚及吞拿魚同雞蛋一齊蒸熟，雞蛋吸收咗海鮮嘅精華。最後灑上脆口蟹籽同蒸蛋一齊食，增加咗口感層次。
浜燒蘇格蘭蟶子：蟶子爽脆鮮味，火候控制得啱啱好。
浜燒北海道帆立貝：帆立貝好大隻，一啲都唔un, 中心位置好軟熟。鍾意佢連埋個膶，味道好濃郁。記得唔好嘥飲埋啲水呀，非常鮮味！
鹽燒美國牛小排：美國牛牛味濃郁，彈牙有肉汁。簡單用鹽調味更加食得出牛嘅鮮味。
香煎日式野菜：有番薯，翠玉瓜同埋南瓜。蔬菜新鮮清甜
海鮮味噌湯：有蜆同埋蝦各兩隻。味噌湯唔會太鹹。熱辣辣飲落好舒服。
松葉蟹丼：清甜嘅蟹肉絲加上濃郁惹味嘅蟹膏，撈埋飯一齊食真係不得了！撈好咗嘅飯再夾埋喺紫菜上面食，真係齒夾留香！
巨蜂乳酸梳打：乳酸酸酸may may, 加上梳打既爽口，感覺消滯
綠茶雪糕：以甜中帶少少茶甘味綠茶雪糕，非常圓滿的一餐。
呢一餐各款菜式嘅質素都非常好，食完足以令我心情好足一整日～
另外，餐廳依家午市磯野昼定食a-d餐做緊九折。正價餐牌午市更加做緊七折，真係幾優惠。
Post
