Video
Read full review
2022-02-05
189 views
近年香港多咗好多沙律店，部份仲主打魚生，Pickabowl 就係其中一間，喺香港總共有兩間分店，分別喺荔枝角同埋荃灣，今日去完荃灣行街，因為疫情關係，晚上無堂食，就只好買外賣返屋企嘆。餐廳位置好方便，位於荃新天地二期非常顯眼嘅位置。廚房係開放式，除左可以親眼見到唔同嘅菜式方便做選擇之外，更可以清楚見到店員為我哋準備食物嘅過程，疫情下，食物衛生係非常重要嘅！餐牌上面有好多選擇，簡單易明，主要分為兩個步驟：第一，揀配料及配菜：選擇上有分DIY組合同埋指定組合， DIY組合嘅話，客人可以喺餐牌上揀兩款protein，分別有魚生同埋熟肉，而醬汁已經預先調配好。至於配菜，選擇總共有六款，分別係和風、彩虹、蛋黃、山葵、紅菜頭及泡菜。如果有選擇困難症，嫌麻煩唔想諗嘅話，更加可以選擇指定組合，咁就唔需要煩揀啲咩配料組合同埋配菜啦，都有成19 款，梗有一款啱口味。第二，揀base: base 方面總共有六款，分別係白飯、白飯+糙米飯、黃姜椰菜花+白飯、黃薑椰菜花+半糙米飯、沙律以及沾烏冬。如果以上唔夠食，更加可以以優惠價追加額外嘅配料。是日我地一行兩人，叫左兩款DIY自選菜式返屋企慢慢嘆：第一款係經典三
餐廳位置好方便，位於荃新天地二期非常顯眼嘅位置。廚房係開放式，除左可以親眼見到唔同嘅菜式方便做選擇之外，更可以清楚見到店員為我哋準備食物嘅過程，疫情下，食物衛生係非常重要嘅！
餐牌上面有好多選擇，簡單易明，主要分為兩個步驟：第一，揀配料及配菜：
選擇上有分DIY組合同埋指定組合， DIY組合嘅話，客人可以喺餐牌上揀兩款protein，分別有魚生同埋熟肉，而醬汁已經預先調配好。至於配菜，選擇總共有六款，分別係和風、彩虹、蛋黃、山葵、紅菜頭及泡菜。
如果有選擇困難症，嫌麻煩唔想諗嘅話，更加可以選擇指定組合，咁就唔需要煩揀啲咩配料組合同埋配菜啦，都有成19 款，梗有一款啱口味。
第二，揀base:
base 方面總共有六款，分別係白飯、白飯+糙米飯、黃姜椰菜花+白飯、黃薑椰菜花+半糙米飯、沙律以及沾烏冬。
如果以上唔夠食，更加可以以優惠價追加額外嘅配料。
是日我地一行兩人，叫左兩款DIY自選菜式返屋企慢慢嘆：
第一款係經典三文魚及經典吞拿魚，另加熟蝦及中華沙律，配沙律及彩虹組合。
第二款係薑汁松板豬及慢煮天多利雞，另加熟蝦及菠蘿，配白飯+ 糙米飯及和風組合。
第一款：三文魚及吞拿魚好新鮮，非常厚切，顏色粉嫩，食落油脂豐富，含深海魚油，非常咬口，魚香魚油脂恰到好處，令人食得非常開胃。
至於泰式熟蝦，除左新鮮之外，食落仲非常彈牙，配上勁入味嘅泰式青醬汁，有微微嘅辣味，非常好味。
彩虹組合嘅配菜有蕃茄，青瓜，甜椒配自家製醬油，配埋沙律菜，相對地健康，對女仕黎講份量都相當足夠。
第二款：
薑汁松板豬薑汁味重，肉質嫩滑，聞落非常香，食落好爽口。至於慢煮天多利雞，配上印度香辣汁後，食落啖啖肉，非常惹味，
配白飯+ 糙米飯呢個組合都唔錯，因為唔係每個人都能接受全糙米飯嘅味道，呢個組合易入口得黎仲比起全白飯更健康。
和風組合嘅配菜有烤南瓜，玉子燒，炸豆腐，四季豆，毛豆同自家製醬油，毛瓜非常好佐飯，四季豆有香濃嘅芝麻味，食落好爽口。
以上兩款組合我都試過，各有風味，亦都令我一試難忘。不過非常關注健康嘅我，覺得沙律嘅醬汁好重要，因為好容易成為高油、高糖、高鈉、高脂嘅陷阱。呢度嘅醬汁係自家製，唔會太濃或太油，不過如果可以分開上，客人鍾意落幾多就幾多，咁就完美喇。
Post
