九運來粉麵世家 (Closed)

尖沙咀厚福街🚇呢間九運來係新開嘅粉麵專門店🍜，佢哋主打高質牛腩，依家做緊新張🎊優惠牛腩河只係20蚊一碗，優惠期至🗓️7月15號咋。我之前食過佢哋嘅💰廿蚊牛腩河，今次同朋友仔過嚟🤤就食豪啲揀咗招牌雙沙麵，即係🍖崩沙腩拼牛沙瓜，崩沙腩軟滑肥美牛味濃，🐂牛沙瓜一面腍滑一面煙韌十分有層次，至於麵質🍜就又爽滑又香麵粉味，十分之推介！另外佢哋嘅🏅王牌牛四寶麵，入面有牛腩、金錢肚、牛脷👅同埋牛筋，我最鐘意😍佢哋嘅牛脷同埋牛筋，煮得十分之軟腍又入味👍。麻辣墨魚鬚🤩幾有驚喜，墨魚鬚🦑勁軟腍鮮味，加上惹味嘅麻辣醬🌶️，好食到停唔到口！香茅🐓雞翼同墨魚丸🦑都炸得好咁香，🔥外脆內軟。凍奶茶同埋凍檸茶🍹都幾有水準，總括嚟講💰性價比高，值得再嚟🥰。