Arte by Padaria

Open Now

Now Closed

Arte by Padaria繼Harbour City & K11 Art Mall分店，再擴充分店，今次去到又一城，證明真係好食😋主打精緻創意慕絲撻，今次見到呢兩款，鍾意朱古力嘅朋友一定要試下：🌰榛子朱古力迷你蛋糕外層係朱古力脆皮，香濃朱古力味道，帶點黑朱古力嘅回甘，頂層係朱古力慕絲，好細滑，上面有幾粒榛子，不同口感層次，還有小許金箔裝飾，令蛋糕顯得更高貴。☕咖啡朱古力歌劇蛋糕呢款蛋糕外表已經好吸引，上面有一朵鮮紅色的玫瑰花朱古力及小許金箔裝飾，好似藝術品一樣。再有一層層的朱古力咖啡慕絲及蛋糕，朱古力和咖啡嘅味道非常夾，一試難忘。除咗慕絲蛋糕佢哋仲有創意曲奇及香港首創嘅「鹹甜點藝術品」法式可頌夾心球，都好吸引，每款都有唔同嘅味道，例如：開心果抹茶白朱古力曲奇、朱古力布朗尼合桃曲奇、肉桂蘋果可頌球、鹹蛋可頌球、黑朱古力流心可頌球等等，下次要再試下。