Path

五一長假期我決定留港消費！！！意外發現左呢間中法fusion 菜✨每位$1380試齊晒9道菜🥳每道都令我深深感受到大廚Tony嘅用心設計，融合法式同中式嘅材料同埋烹調方式，而成嘅美味佳餚。頭三款小食都非常開胃🤤我最中意係啤酒脆杯 - Tony本身係圍村人，將九大簋嘅元素加入，第一道菜就配上菠蘿，微微酸非常開胃另一款小食由泡芙夾住咸蛋黃蝦，再灑上一層芝士雨🧀咸香拿捏得剛剛好最後一款小食更有驚喜😳外表睇唔出係有鵝肝，但係充滿油脂香，而且同甜醋勁夾，層次感十足！伊佐木刺身非常新鮮，鋪滿魚子醬同金箔後更加吸睛👀同蜜柑製嘅醬汁撈埋一齊食，感覺好清新之後係一道非常暖胃嘅菜式 - 蒸蛋白（豪華版🤣）材料有花甲、海膽，真係好鮮甜，海苔油就令香氣更突出墊於陳村粉上嘅馬友亦冇令我哋失望，嫩滑之餘，微辣嘅調味亦都令我越食越上癮而我最最最最最喜愛嘅就係主食 - 鴨胸💯經過大廚Tony反覆地慢煮及煎香，肉質真係超粉嫩；特製嘅士多啤梨辣醬亦都好溫和，同時亦都幾解膩馬鈴薯口感超好，感覺就似薯餅咁呀🤣差不多尾聲，Tony再獻上擔擔麵 - 用水冷麵嘅方式捲起素麵，非常用心～甜品十分精緻 -用西米、芒果、柚，配搭椰子慕絲