春宵

～醉雞湯～今日收早，終於都唔洗加班，有時間就同同事一齊去食火鍋🥘都好耐無食過了，而呢度都係第一次來，呢度既環境好有時代感，大部份都以紅色為主題，其中有個吧位，呢度睇落都好整齊企理，另外呢度既職員都好好招呼，好友善，我地有叫佢介紹下，當中醉雞湯就好似比較適合我地口味，所以就擇好了，醉雞湯既醉雞味道超濃郁，裡面仲有好多雞肉🍗～新鮮粟米～🎖️呢度既上菜速度都好快速，等一陣就有了，呢間餐廳既粟米好新鮮，滾完出來好鮮甜，同雞湯味好夾！～蘿蔔片～🎖️估唔到一盤份量都咁多，我諗呢度都可能多過一條，蘿蔔片真係好食唔錯，平時出面都係已經放埋落鍋，呢度可另外上一份，都好驚喜！～韓牛三筋肉～🎖️呢個名固名思義就係韓國既牛肉，呢款牛用來做火鍋係一流，肉又白滑，韓牛帶有花紋，脂肪同肉既部位都剛好，層次分明好好食！～炸月亮蝦餅～🎖️好有趣既炸月亮蝦餅，裡面既蝦肉好有份量，其實成塊都唔細，咬落去真係好惹味，裡面既蝦肉好豐富，食到停唔到口 ！～雞腿肉 ～🎖️呢一份雞腿肉做得好細心，因為有特別加左一些枸杞，雞肉好肥美，肉質都好新鮮嫩滑，呢一份雞腿真係好正，另外仲可以幫個火鍋加料，雞味仲濃郁！