Video
Read full review
2023-12-13
25 views
今餐去咗食灣仔一間小店，店舖大概只有4至5張檯的卡座，主打台式及日式便當。見到餐牌標示花雕麻油雞湯麵及紅燒3寶牛肉麵係招牌，當然點來一試。花雕麻油雞湯麵一遞上來有聞到微微清淡嘅麻油香，湯頭帶一點點藥材味，另有一小杯花雕酒，方便大家按自己口味再倒入湯內，此點可說是幾貼心；無骨醉雞卷有4大塊，肉質滑嫩，烏冬麵條亦彈牙唔會太軟淋，配有小棠菜、紅棗等，食完都覺得幾滋補架。至於紅燒三寶牛肉麵，包括了牛腱、牛丸同牛肋條三種食材，最好食都係牛肋肉，炆得夠腍啖啖肉，肉連筋膜，口感煙韌軟糯，牛丸亦都好爽口，仲有大大塊紅蘿蔔及白蘿蔔，索晒湯味好清甜。另外我們再叫了份古早滷水拼盤，有齊牛腱、鷄翼、豬耳及滷蛋，牛腱滷得好好味，肉嫩又重骨膠原；豬耳好食亦不硬，個人喜好就覺得如果多加一點麻辣油就更香口；鷄翼及滷蛋都OK入味。花雕麻油雞湯麵 $92紅燒三寶牛肉麵 $102古早滷水拼盤 $78愛玉荔枝綠茶 $28冷泡白挑烏龍茶 $24
花雕麻油雞湯麵一遞上來有聞到微微清淡嘅麻油香，湯頭帶一點點藥材味，另有一小杯花雕酒，方便大家按自己口味再倒入湯內，此點可說是幾貼心；無骨醉雞卷有4大塊，肉質滑嫩，烏冬麵條亦彈牙唔會太軟淋，配有小棠菜、紅棗等，食完都覺得幾滋補架。
至於紅燒三寶牛肉麵，包括了牛腱、牛丸同牛肋條三種食材，最好食都係牛肋肉，炆得夠腍啖啖肉，肉連筋膜，口感煙韌軟糯，牛丸亦都好爽口，仲有大大塊紅蘿蔔及白蘿蔔，索晒湯味好清甜。另外我們再叫了份古早滷水拼盤，有齊牛腱、鷄翼、豬耳及滷蛋，牛腱滷得好好味，肉嫩又重骨膠原；豬耳好食亦不硬，個人喜好就覺得如果多加一點麻辣油就更香口；鷄翼及滷蛋都OK入味。
花雕麻油雞湯麵 $92
紅燒三寶牛肉麵 $102
古早滷水拼盤 $78
愛玉荔枝綠茶 $28
冷泡白挑烏龍茶 $24
Post
