Video
Read full review
2024-08-17
1462 views
今次酒店嘅自助餐係以拉丁美洲薈萃做主題，喺網上訂位嘅話呢可以最平都有五折優惠，如果想去試吓嘅話可以留意吓佢哋嘅社交平台講返今次自助餐有咩食先，拉丁美洲重點係以阿根廷、墨西哥、印度、秘魯、西班牙、智利等等多個唔同嘅地方嘢食為主，平時比較少食呢幾個地方嘅嘢食呢，喺呢度都可以搵到佢哋特色嘢食熟食區嗰邊會係重點，烤阿根廷香料西冷牛肉嘅香料好突出，牛肉亦都做到半生熟，夠嫩滑多汁，亦都有黑椒汁等等嘅醬料俾你加埋落去；墨西哥玉米脆餅有牛肉同豬肉俾你，另外我都再加埋個牛油果醬，食落去牛肉味幾出，配埋個醬有幾夾，自己平時少食都覺得幾特別；阿根廷餡餅、印度咖哩角、印度春卷都係炸得好脆，而且餡料好豐富，size亦都唔細，share食啱啱好🤩🔥燒烤區都好多選擇，有迷迭香烤牛肋骨、血腸、西班牙辣香腸、秘魯烤雞、檸檬蒜香奶油烤虎蝦、大蒜香草烤羊架、燒烤醬豬肋骨，因為都比較受歡迎關係職員，都係不停燒同不停refill，所以啲嘢食keep住都好新鮮好夠熱，我個人幾鍾意食佢個羊架同埋豬肋骨，肉質夠嫩唔韌，而且燒到啱啱好又夠味當然仲會有凍海鮮、刺身、沙律等等可以嘅區域，例如凍海鮮會有長腳蟹、蜆、青口等等都係好新鮮嘅，同埋
講返今次自助餐有咩食先，拉丁美洲重點係以阿根廷、墨西哥、印度、秘魯、西班牙、智利等等多個唔同嘅地方嘢食為主，平時比較少食呢幾個地方嘅嘢食呢，喺呢度都可以搵到佢哋特色嘢食
熟食區嗰邊會係重點，烤阿根廷香料西冷牛肉嘅香料好突出，牛肉亦都做到半生熟，夠嫩滑多汁，亦都有黑椒汁等等嘅醬料俾你加埋落去；墨西哥玉米脆餅有牛肉同豬肉俾你，另外我都再加埋個牛油果醬，食落去牛肉味幾出，配埋個醬有幾夾，自己平時少食都覺得幾特別；阿根廷餡餅、印度咖哩角、印度春卷都係炸得好脆，而且餡料好豐富，size亦都唔細，share食啱啱好🤩
🔥燒烤區都好多選擇，有迷迭香烤牛肋骨、血腸、西班牙辣香腸、秘魯烤雞、檸檬蒜香奶油烤虎蝦、大蒜香草烤羊架、燒烤醬豬肋骨，因為都比較受歡迎關係職員，都係不停燒同不停refill，所以啲嘢食keep住都好新鮮好夠熱，我個人幾鍾意食佢個羊架同埋豬肋骨，肉質夠嫩唔韌，而且燒到啱啱好又夠味
當然仲會有凍海鮮、刺身、沙律等等可以嘅區域，例如凍海鮮會有長腳蟹、蜆、青口等等都係好新鮮嘅，同埋會不停refill；刺身就有三文魚、吞拿魚、八爪魚、油甘魚，鍾意食刺身可以同職員講要晒就可以包羅萬有樣樣都有得食😂
🍦另外嘅位係嘅雪糕機，11款口味不停喺你面前係咁轉，選擇困難症就會出嚟，口味有泰式奶茶、雲呢拿、巴西香蕉、芝士蛋糕、紫芋、提拉米蘇、抹茶、牛奶焦糖、斑蘭、士多啤梨、熱情果，我今日就食咗紫芋同埋斑斕味，顏色都幾靚，味道又夠突出，另外側邊有啲配料，例如龍眼肉、蜜柑等等都可以加埋落去一齊食
甜品方面都有好多選擇，揀咗啲好襯主題嘅甜品嚟試吓，巴西藜乳酪慕絲、巴西粟米布甸、阿根廷焦糖牛奶餅乾、智利大麥蜜桃特飲、西班牙油條等等，非常多選擇，同埋好有特色，好值得去試吓
呢度空間都幾大，枱嘅數量都幾多，有小朋友嚟嘅話都好適合，因為有一個兒童嘅遊樂區可以比小朋友食完嘢嘅時候就喺嗰度放電
Post
