銅鑼灣🚇龍點心真係深得我心🥰，店內裝潢採用顏色鮮明嘅古代茶居設計🏮，橙色同綠色為主調，配搭馬賽克磚同霓虹燈管✨，充滿懷舊港式情懷👏，既有昔日大排檔嘅親切感😌，又融入時尚現代元素！
餐廳門口🚪位置仲設有自家禮品專區🎁，食完點心可以選購佢哋各款特色禮品🛍️，好有心思。
今次叫咗三寶套餐$79💰，有湯、點心同埋飯🍚，真係超級抵食😋！
湯揀咗南北杏菜膽燉豬肺湯，入口湯頭清甜滋潤🥣，豬肺處理得好乾淨😊，煲到軟腍入味👍，養生滋補一流。
龍蝦湯鮮竹卷有三件😍，入面用料都幾足🤤，加上鮮甜嘅龍蝦湯底🦞，湯汁滲入鮮竹卷內🥰，每啖都好 juicy！
章魚🦑肉餅飯嘅肉餅夠厚實🍖，蒸得啱啱好，肉汁鎖得住♨️，拌埋飯食好滋味🍚，份量十足夠飽肚！
1
我吔另外點咗🐉龍遊精選燒賣系列$70，拼盤有六款唔同口味燒賣😍，包括星加坡黑胡椒蟹🦀、咖喱牛肉🍛、蘇薑馬友鹹魚🐟、香辣雞軟骨🐓、梅菜扣肉🐖同埋大澳蝦醬墨魚🦑。每款燒賣都好有驚喜🤩，真係創意十足，款款都咁出色🌟！
脆脆富貴紅米腸粉$52😋，賣相紅噹噹超吸睛❤️，已經切好方便食🍴，包住吉列脆皮蝦🦐，一咬落去外脆內嫩😍，口感豐富有層次👏，配埋豉油、酸甜醬、花生醬🥜，可以隨意點🤤，精緻又好味😋！
總括嚟講，🐉龍點心真係將傳統點心♨️同創新口味完美結合👍，環境舒適有特色🏮，價錢抵食份量足💰，服務態度又好😊，絕對係銅鑼灣食點心嘅首選！
