Non Kitchen

Open Now

Now Closed

今日同朋友仔探路又搵下觀塘區D樓上工廈餐廳食下，因為好多都質素都唔錯幾抵食😋今次黎到NON KITCHEN，簡單D唔想諗，直接叫個2人SET DINNER($548)方便D😆即係有凱撒沙律*2、是日餐湯*2、黑松露野菌意式燴飯、炭燒安格斯西冷牛扒、廚師精選甜品、凍檸茶*2餐包：送上時暖暖地，搽上牛油後餐包都幾香又軟熟，另一款麵包條夠脆身，一軟一脆，2款都唔錯👍🏻凱撒沙律：沙律菜爽脆，芝士同麵包粒份量唔少，加埋一齊幾開胃😋是日餐湯：今日係忌廉薯仔湯，雖然賣相簡單，但飲落幾香濃而且口感幼滑😄黑松露野菌意式燴飯：呢到個意式燴飯煮得恰到好處，唔會過硬或者太過淋，而且最緊要係煮得入晒味😋味道偏向濃味少少，但唔會太過濃而搞到過鹹要成日飲水咁，野菌香味融入燴飯當中，味道濃郁豐富😋炭燒安格斯西冷牛扒：由於朋友比較怕太過生會多血水，所以今次叫左7成熟。西冷外層燒到D網紋好靚，而且好香炭燒味😍用上黑椒同鹽作調味，肉味香濃非常惹味🤤不過我平時食開5成熟，其實肉質都唔錯，相信ORDER 5成熟一定會更加正🤤廚師精選甜品：今日係雪糕泡芙，外層淋上朱古力醬，雪糕泡芙唔會雪到過硬，甜度適中，伴碟仲有D水果粒可以食下