Video
Read full review
2024-04-29
32 views
2024年4月10日 星期三今日放工去咗油麻地做完腳底按摩之後，就等埋老婆收工一齊食飯，難得可以兩個人食飯，所以決定慢慢周圍睇吓邊間餐廳好食咁啱喺彌敦道見到呢一間餐廳，突然間諗起好似好耐冇食一盅兩件，況且見到裏面好多客人，裝修又夠光猛，一定唔會太差，所以就入咗去餐廳裏面雖然唔係好大，不過都差不多已經坐滿晒全部客人，好彩咁啱有人埋單，所以先可以即時入座，枱與枱之間都有足夠距離，就算傳菜都唔怕會撞到餐廳係掃QR code落單嘅，十分方便，又唔怕會落錯單，都提供頗多款點心，特別係餐廳推薦嘅菜式，大部份都未食過，好好奇會係咩味道，所以每樣都叫黎試下點完餐等左一陣，食物就開始陸續送到，首先有金沙脆皮銀蘿腸，其實係腸粉中間包住油炸鬼，而油炸鬼裏面仲有蘿蔔，所以口感好豐富，咬落去脆卜卜，既食到油炸鬼嘅酥脆，又食到蘿蔔嘅清甜，腸粉仲好滑溜添之後有飲茶必食嘅蝦餃同燒賣，餐廳可以選擇兩粒裝或者四粒裝，啱晒我哋兩個人去，唔怕食唔晒，蝦餃幾大粒，咬落去啖啖都係蝦肉，仲有少少筍加添口感，至於燒賣上面都有好大粒蝦仁，咬落去豬肉同蝦肉嘅分布好平均，豬肉唔會太肥，食完都唔覺得好油膩呢個係龍仔金銀蒜海蝦飯，一嚟到嘅時候
今日放工去咗油麻地做完腳底按摩之後，就等埋老婆收工一齊食飯，難得可以兩個人食飯，所以決定慢慢周圍睇吓邊間餐廳好食
咁啱喺彌敦道見到呢一間餐廳，突然間諗起好似好耐冇食一盅兩件，況且見到裏面好多客人，裝修又夠光猛，一定唔會太差，所以就入咗去
餐廳裏面雖然唔係好大，不過都差不多已經坐滿晒全部客人，好彩咁啱有人埋單，所以先可以即時入座，枱與枱之間都有足夠距離，就算傳菜都唔怕會撞到
餐廳係掃QR code落單嘅，十分方便，又唔怕會落錯單，都提供頗多款點心，特別係餐廳推薦嘅菜式，大部份都未食過，好好奇會係咩味道，所以每樣都叫黎試下
點完餐等左一陣，食物就開始陸續送到，首先有金沙脆皮銀蘿腸，其實係腸粉中間包住油炸鬼，而油炸鬼裏面仲有蘿蔔，所以口感好豐富，咬落去脆卜卜，既食到油炸鬼嘅酥脆，又食到蘿蔔嘅清甜，腸粉仲好滑溜添
之後有飲茶必食嘅蝦餃同燒賣，餐廳可以選擇兩粒裝或者四粒裝，啱晒我哋兩個人去，唔怕食唔晒，蝦餃幾大粒，咬落去啖啖都係蝦肉，仲有少少筍加添口感，至於燒賣上面都有好大粒蝦仁，咬落去豬肉同蝦肉嘅分布好平均，豬肉唔會太肥，食完都唔覺得好油膩
呢個係龍仔金銀蒜海蝦飯，一嚟到嘅時候已經聞到好香蒜味，啲飯用荷葉包住再用蒸籠蒸，有荷葉香之餘，仲吸收晒蒜蓉同海蝦嘅鮮味，而且份量都唔少，起碼足夠三個人食，強烈推薦！！
再嚟有炭燒山楂鴨絲包，冇諗過山楂同鴨絲會咁配合，咬落去啖啖鴨肉，而山楂解去鴨肉嘅油膩，再加上外皮整到好似菠蘿包嘅脆皮咁，味道唔錯
最後仲有醬皇金錢肚，整得好入味，金錢肚咬落去一啲都唔韌，而且唔會太鹹，下面仲有蘿蔔吸收晒醬汁嘅味道，用嚟送飯一流
埋單兩個人都係食咗$200左右
Post
