Video
Read full review
2025-03-23
293 views
蘇山雞飯價錢: $95/ +$10/ $70/ +$25/ +$54/ +$18好味程度: 3.7/5服務🍴: 3.7/5環境🗾: 3.4/5性價比🥢: 4/5回頭率😚: 3.7/5-有時經過彌敦道呢間蘇山鷄飯都見人排隊，今次就去試試佢。出餐速度非常快，大概$70-100就可以有個套餐。而餐廳都幾多小食同埋飲品選擇，甚至有ｄ甜品，全部都係星馬菜款。-✅獅城芽菜走地雞飯。用上走地鷄食落口感唔油膩，而鷄肉保持到嫩滑，甚至連鷄胸都唔會好鞋。淋上簡單葱油同小小炸蒜，好惹味😀底下鋪左保怡芽菜，短短一條好爽口。佢地的油係更出色！粒粒分明，帶小小黏的口感好似糯米飯咁，有辣醬、醬油超好食🤩想要多飯了～～-✅✅輕怡肉骨茶。雖然只係加＄10，但都好有誠意！有2舊好吸湯的豆噗同2舊肉排。肉排已經煲到淋曬，小小骨肉分離的感覺🤓肉骨茶走胡椒味重的路綫，帶微微當歸藥材味。口味偏辣同刺激，好暖身。-🆗排骨香辣蝦麵。湯底夠鹹，蝦味隱約隱約，無落任何椰奶所以質感比較稀身。係油麵底，夠滑。豆噗、排骨都係同肉骨茶一樣，但呢碗麵會多左2隻中size新鮮的🦐-✅麻辣玻璃魷魚通菜。加呢個價錢有好大碗通菜，好抵食。青通菜爽脆又嫩，
價錢: $95/ +$10/ $70/ +$25/ +$54/ +$18
好味程度: 3.7/5
服務🍴: 3.7/5
環境🗾: 3.4/5
性價比🥢: 4/5
回頭率😚: 3.7/5
-
有時經過彌敦道呢間蘇山鷄飯都見人排隊，今次就去試試佢。出餐速度非常快，大概$70-100就可以有個套餐。而餐廳都幾多小食同埋飲品選擇，甚至有ｄ甜品，全部都係星馬菜款。
-
✅獅城芽菜走地雞飯。用上走地鷄食落口感唔油膩，而鷄肉保持到嫩滑，甚至連鷄胸都唔會好鞋。淋上簡單葱油同小小炸蒜，好惹味😀底下鋪左保怡芽菜，短短一條好爽口。佢地的油係更出色！粒粒分明，帶小小黏的口感好似糯米飯咁，有辣醬、醬油超好食🤩想要多飯了～～
-
✅✅輕怡肉骨茶。雖然只係加＄10，但都好有誠意！有2舊好吸湯的豆噗同2舊肉排。肉排已經煲到淋曬，小小骨肉分離的感覺🤓肉骨茶走胡椒味重的路綫，帶微微當歸藥材味。口味偏辣同刺激，好暖身。
-
🆗排骨香辣蝦麵。湯底夠鹹，蝦味隱約隱約，無落任何椰奶所以質感比較稀身。係油麵底，夠滑。豆噗、排骨都係同肉骨茶一樣，但呢碗麵會多左2隻中size新鮮的🦐
-
✅麻辣玻璃魷魚通菜。加呢個價錢有好大碗通菜，好抵食。青通菜爽脆又嫩，淋上麻辣醬好惹味，但難免會帶d油🙂↔️玻璃魷魚無漂味但都無特別味道，主要係食醬+佢個爽彈口感😌
-
✅✅夜市牛鷄沙爹。 兩款都唔會燒得太老，令到肉質好乾。鷄肉會再嫩小小，而牛肉就味道濃鬱d。好中意佢地個沙爹醬，係好多花生粒🤤濃稠的花生沙爹醬用匙羹放上條串燒到就最好食，甜甜香香，有燒過的味道！
-
✅開心果椰子奶昔。飲落係椰子味90%，開心果味10%。有小小椰絲口感，當佢椰子奶昔好飲！
Post
