香葉灣 (海濱匯)

Open Now

Now Closed

今日同朋友去觀塘海濱公園吹吹海風，散散步，傾下計。坐到黃昏，朋友話未想返屋企，話不如買晚餐去我屋企食，咁我當然好歡迎啦。搵搵附近有乜食，搵到海濱匯呢間香葉灣，估唔到睇落成楝寫字樓既海濱匯都有野食，價錢仲唔太貴。我地叫左兩個餐，泰式海鮮炒金邊粉同菠蘿海鮮炒飯。兩個餐有餐湯有餐飲，個餐湯蘿宋湯幾好味，酸酸甜甜，好開胃。個海鮮炒金邊粉同炒飯，都好多配料，蝦、墨魚、蟹柳，大大粒份量都幾多。金邊粉集甜、酸、鹹味道，夠唒入味。炒飯炒得粒粒分明，夠哂香口。下次經過呢頭都可以黎食下。