點心到 (鴻星大廈)

Open Now

Now Closed

自從幾年前我妹介紹我佐敦間點心到之後，就久不久都會去食點心，因為它的點心做得企理，好食，又唔貴。近兩次都係去油麻地店，因為咁啱在附近，想坐低食啲嘢就諗起佢。地方寬敞不會迫，坐得舒服。自己用QR code 落單，茶錢就$5 位，無得揀茶的，應該是普洱吧。蝦餃（2粒） $16 大大粒，入面全部都係蝦，不過個皮比較黏，容易夾爛。蜜汁叉燒腸 $25正正常常幾好食，皮滑不太厚。燒賣（4粒）$30呢個我最鍾意，必食。沙律明蝦角 $28呢個又係每次嚟都叫，因為佢唔會炸到油淋淋，又多蝦，不過個沙律醬就一般。瀤湯杞子浸時蔬 $20食得肉多都要食吓菜，新鮮翠綠。豉椒蒸排骨 $22雖然好滑，不過就比較肥。鮮蝦腐皮卷 $28呢個好好食，新鮮熱辣，又唔會油淋淋又多蝦。特別鍾意佢有蝦類別嘅點心，因為全部都好足料，而且啲蝦又唔會係用化學嘢浸到透明嗰種，比較彈牙又大粒。