老厝邊

Open Now

Now Closed

公司附近有間台灣菜館一直都好想試，今日終於下決心放工去試吓，呢間位於荃灣大壩街嘅台灣菜館，内部裝修具有台式風格，營造出温馨舒適的用餐環境。➰ 真心滷肉大碗公呢碗滷肉飯認真大碗，兼有小棠菜、粟米、芽菜和半隻滷蛋做配菜。滷肉肥瘦均勻，肉質夠鮮嫩，配合埋油香味十足嘅滷汁，整碗飯都十分惹味。➰ 塔香鹹酥雞鹹酥雞嘅外皮炸得金黃酥脆，咬落裡面雞肉又夠晒鮮嫩，重有淡淡嘅九層塔香味，椒鹽如果再落多些就更加完美。➰ 凍蜂蜜檸檬愛玉呢杯飲品極之適合夏天飲用，夠曬冰涼爽滑，又酸甜適中，感覺好清新。