四寶食堂 (Closed)

出左旺角做完野，有D肚餓就求其搵一間食。見到LI到既下午茶好似好抵食咁，就入左去食野。地方都大既，不過位距離比較窄。都多人食。坐低睇下個餐牌，有豉油肶飯TEA，即叫！其實係我太肚餓，同見到個油肶兩個字就好似見到蛋白質。正！到左個飯，都大份，唔係一般既TEA，完全可以當正餐咁食。雞肶正常都入味，飯就一般，可能我覺得太軟身。汁都OＫ，下次可以叫佢多汁少飯。女仔細食既更加要少飯，因為飯量都多既。比左錢出門口果時都有人等位。 以下午茶佢都算平同抵食。出菜時間都正常。味道質素對得住個價錢。以連鎖茶記黎講，係正常野。