小明珠

好耐無食過上海嘢，今日行經牛頭角見呢間「小明珠」餐牌選擇多，而且仲有唔少優惠，所以就即入食個經濟午餐。餐廳裝修撲實而寬敞，座位闊落，仲有大枱同廂房，方便大家族聚會。每日下午1:30-3:00是餐廳的優惠時段，午市客飯套餐一律有八折，相當抵食。紫菜蛋花湯有家的味道；香煎窩貼四隻熱辣辣，皮脆肉嫰，啖啖肉汁。經典上海粗炒，顏色夠、材料足又有穫氣！仲送埋豆漿。唔夠仲可以加$10平嘆小籠包，非常抵食！餐廳仲特別推出交通回贈，只要晚巿6時後消費滿$300，憑當天的士發票即減$50！咁唔怕帶埋老人家一齊出街食飯啦！