香港永年車仔麵茶冰廳

Open Now

Now Closed

復活節同屋企人去咗行新城市廣場，行到攰就去餐廳食晚餐。香港永年車仔麵茶冰廳，餐廳裝修好有懷舊感，主打香港經典地道美食。雜扒餐黑椒汁跟炸麵：熱辣辣的鐵板上加入惹味醬汁，隨即傳來陣陣香氣撲鼻的「滋滋聲」，充滿懷舊氣息。牛扒、豬扒、雞扒厚肉又大塊，大廚會先煎香肉扒兩邊，再以熱辣辣鐵板奉上，既可鎖住肉汁，肉質的嫩滑口感亦得以保留。熱阿華田香濃。酥皮周打蜆肉魚湯，酥皮鬆脆，魚湯足料，口感順滑。永年大碗麵配米粉、清湯BB辣度辣汁：材料豐富，一次過差唔多試齊車仔麵餸。有豬腸、魚旦、蘿蔔、豬紅、豬皮、雞翼、雞翼尖、魷魚、紅腸、菜心。全部都燜煮得好入味，豬皮、豬腸、魷魚爽口，雞翼肉質嫩滑。湯底濃郁帶少許辣味，米粉掛上湯汁，爽口又惹味。女神麵配幼麵、清湯辣汁：有鮑汁燜花膠、酸齋、枝竹球、冬菇、紫菜、蘿蔔、菜心。呢款重點係個花膠，夠大件有厚度，鮑汁精華滲透花膠，花膠嫩滑有膠質，其次仲有厚身爽滑冬菇，幼麵彈牙吸收湯汁一樣惹味非常！熱鴛鴦夠濃夠香。豬三寶：豬紅、豬腸、豬皮呢三樣係食車仔麵必選，就算食女神麵都可以加添！紅豆冰：紅豆份量都好多，而且好林甜，奶味比較淡，但攪勻甜度就啱啱好。樽仔奶茶：樽仔甜度適中夠冰凍