氣噗噗 (Closed)

平日放工時間同屋企人去咗氣噗噗台式火鍋店打邊爐，見價錢合理同埋牛肉都好新鮮，於是就入去試吓啦！火鍋配料任食，超過50款，蔬菜好新鮮同埋乾淨！另外小食種類同埋質素都好高，有炸洋蔥圈、炸雞粒、炸蠔、紫薯波波，台式香腸,滷水蛋、豬腸呢啲台灣地道小食都應有盡有！我哋試咗唔同嘅牛，包括有保樂肩牛，特選牛板鍵肉質鮮嫩同埋好有牛味！另外雞件,羊肉大家都唔好錯過！ 餐廳設有即叫即整嘅手搖飲品，每人送一杯！荔枝蘆薈紅茶大大杯，可以選擇少甜少冰！店內不同時段有不同優惠，大家唔好錯過呀！講到個湯底，必食推介係：麻辣鴨血….非常香同埋惹味！鴨血好滑，同埋份量好足夠👍如果唔夠飽仲有香蔥拌麵，同埋米飯！真係二百零蚊食到飽！👍👍