Video
Read full review
2024-12-28
82 views
香港都可以品嚐到正宗日本風味？一入餐廳已經覺得裝修超靚超有心思，以懷舊日本招牌裝飾，連本menu 都好可愛，餐廳播住日式嘅音樂，可以坐bar枱同廚師傾計，分享吓食材心得，氣氛超好！🩵冷盤🍅蕃茄三杯醋 $58冷蕃茄作為一個前菜好適合，亦都可以中和其他串燒嘅油膩感，蕃茄自帶微酸，非常多汁，配合底層香醋同洋蔥碎碎，感覺真係好清新！🤍白子 $108白子質地好滑溜，食得出好新鮮，由於白子本身冇乜味道，底下配咗一個酸汁，白子上面有蔥花同少少漬物作調味，首先咬開白子外皮，入口溶化於口腔入面，我自己好鍾意呢啲質感，推薦！🐟安康魚肝 $108鮟鱇魚乾表面仲係粉嫩顏色，加咗少少日本醬汁提鮮，但係唔會太濃烈搶走本身嘅鮮味，質地真係好滑溜，平時唔鍾意食魚肝嘅人會怕腥，但呢個唔腥仲帶少少鮮甜味！壽司🧡海膽魷魚卷 $168海膽亦都新鮮，入口味道好濃郁，唔會腥臭，呢隻海膽仲帶少少回甘味，優質貨就一定好食，下層魷魚好爽口，入面包住青瓜絲，整個配搭好有心思！燒物🩷炸物🐷鹿兒島黑豚腩 $180外皮煎香有少少燒肉嘅感覺，上面加咗黑椒味，黑豚腩好肥美，配咗一個山葵芥末醬唔係好辣，但係好惹味，配啤酒或者清酒都一流！🧀酒盜配芝士
一入餐廳已經覺得裝修超靚超有心思，以懷舊日本招牌裝飾，連本menu 都好可愛，餐廳播住日式嘅音樂，可以坐bar枱同廚師傾計，分享吓食材心得，氣氛超好！
🩵冷盤
🍅蕃茄三杯醋 $58
冷蕃茄作為一個前菜好適合，亦都可以中和其他串燒嘅油膩感，蕃茄自帶微酸，非常多汁，配合底層香醋同洋蔥碎碎，感覺真係好清新！
🤍白子 $108
白子質地好滑溜，食得出好新鮮，由於白子本身冇乜味道，底下配咗一個酸汁，白子上面有蔥花同少少漬物作調味，首先咬開白子外皮，入口溶化於口腔入面，我自己好鍾意呢啲質感，推薦！
🐟安康魚肝 $108
鮟鱇魚乾表面仲係粉嫩顏色，加咗少少日本醬汁提鮮，但係唔會太濃烈搶走本身嘅鮮味，質地真係好滑溜，平時唔鍾意食魚肝嘅人會怕腥，但呢個唔腥仲帶少少鮮甜味！
壽司
🧡海膽魷魚卷 $168
海膽亦都新鮮，入口味道好濃郁，唔會腥臭，呢隻海膽仲帶少少回甘味，優質貨就一定好食，下層魷魚好爽口，入面包住青瓜絲，整個配搭好有心思！
燒物🩷炸物
🐷鹿兒島黑豚腩 $180
外皮煎香有少少燒肉嘅感覺，上面加咗黑椒味，黑豚腩好肥美，配咗一個山葵芥末醬唔係好辣，但係好惹味，配啤酒或者清酒都一流！
🧀酒盜配芝士脆餅 $68
芝士脆片充滿芝士香氣，炸到卜卜脆，酒盜醬汁就好似蜆蚧醬汁一樣，無咩酒味！
食呢個餅食緊芝士薯片一樣，鍾意芝士嘅朋友實鍾意食，味道偏鹹香，配酒類產品配搭食比較適合！
🤍白鱔 $68
白鱔燒到外脆內軟，加咗類似鰻魚汁風味，味道偏甜，但配搭起嚟好適合，都好食！
🐥雞軟骨 $70
雞軟骨周圍都有得食，但佢整得勁好食，首先佢唔會整到乾爭爭，簡單嘅七味粉同鹽調味，唔會過鹹，咬入口肉同骨嘅比例啱啱好，所以係好食嘅雞軟骨，可以再食！
🥟雞皮餃子 $68
雞皮餃子外皮脆卜卜，入面嘅肉就軟腍腍，難得個外皮唔會炸得過龍，亦都唔會太厚，入面嘅肉本身經過調味，調味亦啱啱好，主要係充滿肉鹹香味，醬汁就配咗日式醬油，味道都唔錯！
✨呢間日式餐廳走日式精緻風，所有食物味道都好食，冇一樣嘢中伏，佢嘅味道同日本食嘅好相似，真係好似置身日本嘅居酒屋一樣，味道質素不錯！ヽ(✿ﾟ▽ﾟ)ノ
Post
