Video
Read full review
2025-02-04
3336 views
PASTEAKO主打牛扒配意粉嘅組合，以$388套餐為主（聖誕價～$500），餐單設計簡單，有個超簡單頭盤，主菜係任選意粉款式＋醬汁，再配21日乾式熟成牛扒，最後加上自家製Tiramisu作甜品，味道尚可，但一定食得飽😂🥩 21日乾式熟成牛扒套餐（$388） 主菜一般可以選Striploin 或 Rib Eye，又或者加$198升級做M5澳洲和牛，今次試咗普通版Rib Eye，牛扒燒得剛剛好🔥，但可能因為本身牛隻質素普通，肉味無想像中濃郁。喺入座前，店員會叫你揀刀，不過我哋揀咗嗰兩款唔同嘅，都覺得好難切，唔知其他款係咪都一樣😅🍝 自選意粉 + 醬汁 意粉款式選擇多，有：Pappardelle（寬麵條）Spaghetti（意式幼麵）Conchiglie（蜆殼粉）Mezzi Rigatoni（短管麵）Lumache（蝸牛粉）醬汁方面可以揀：Truffle 🍄（松露忌廉）Quattro Formaggi 🧀（四重芝士）Romesco 🌰（西班牙紅椒堅果醬）Puttanesca 🍅（意式蕃茄橄欖醬）Pomodoro 🍅（經典紅醬）Spicy Arrabbiata 🌶️（辣蕃茄醬）今次試咗Spag
🥩 21日乾式熟成牛扒套餐（$388）
主菜一般可以選Striploin 或 Rib Eye，又或者加$198升級做M5澳洲和牛，今次試咗普通版Rib Eye，牛扒燒得剛剛好🔥，但可能因為本身牛隻質素普通，肉味無想像中濃郁。
喺入座前，店員會叫你揀刀，不過我哋揀咗嗰兩款唔同嘅，都覺得好難切，唔知其他款係咪都一樣😅
🍝 自選意粉 + 醬汁
意粉款式選擇多，有：
Pappardelle（寬麵條）
Spaghetti（意式幼麵）
Conchiglie（蜆殼粉）
Mezzi Rigatoni（短管麵）
Lumache（蝸牛粉）
醬汁方面可以揀：
Truffle 🍄（松露忌廉）
Quattro Formaggi 🧀（四重芝士）
Romesco 🌰（西班牙紅椒堅果醬）
Puttanesca 🍅（意式蕃茄橄欖醬）
Pomodoro 🍅（經典紅醬）
Spicy Arrabbiata 🌶️（辣蕃茄醬）
今次試咗Spaghetti + Truffle同Pappardelle + Quattro Formaggi。松露味算出色，忌廉醬唔會太膩，可能係幼麵，掛汁能力幾好，至於四重芝士就非常濃郁，聞落已經有濃郁奶香，但食到一半就會有少少膩口，比較不利之後試唔同嘅意粉😆 難怪隔離唔少人都揀蕃茄醬🤔
食緊主菜期間，侍應喺唔同時候拎唔同嘅意粉過嚟，可以試到唔同醬嘅意粉，甚至係menu上面無嘅醬！不過今次食嗰陣大部分都係粒狀意粉，無長條（可能難分啲😆）
🍫 Homemade Tiramisu
飯後甜品係自家製Tiramisu，每人會分到一大羹，再喺你面前即刻刨上朱古力碎喺面頭，賣相精緻，質感濕潤綿密，非常creamy，蛋糕部分比較少，帶微微咖啡苦味，係一個不錯嘅結尾！
整體評價
PASTEAKO適合想試牛扒又鍾意食Pasta嘅朋友，仲可以一次過試到唔同款嘅意粉😍 牛扒火候掌握得不錯，但可能無升級M5澳洲和牛，肉質稍遜；意粉方面選擇多，但芝士同松露醬易膩，建議配清爽少少嘅醬汁會更平衡！😌
Post
