烤吧31

Open Now

Now Closed

屋企附近呢間烤魚串燒舖，成日都好多人好熱鬧，今次都忍唔住黎試吓。烤魚有6款湯底同6款主菜可以揀。款款湯底都好吸引，我哋就揀咗店長推介嘅毛血旺配上江團魚。湯底好濃味，有啲辣，啱哂我呢啲鐘意濃味嘅人。鴨血好正，江團魚魚肉實淨。配料我地加左萵筍、蘿蔔片、蓮藕片、響鈴、手切牛、水魷、柏葉，手切牛係正～串燒都好多選擇。個燒白鱔好肥美、燒牛胸爽好爽脆。個芥末魚皮小食都唔錯。近來仲有一個食辣雞翼嘅挑戰，5分鐘內食到指定數目就有奬。呢款「失傳之辣味」，我都挑戰左，食到標汗😂雖然失敗，但都幾爽！鐘意食辣嘅不妨黎試下～