四寶食堂 (Closed)

週末行完街同朋友去咗旺角呢間四寶食堂食下午茶+晚餐😂因為6:00 後冇堂食所以大家最近都好早食飯坐低先叫咗個奶油多+凍奶茶，一間茶餐廳好唔好，睇多士同奶茶已經知道，因為係餐廳嘅基本工。先睇奶油多：金黃色烘底，脆口包底有厚度，唔係一件普通方包咁hea，係厚多士👍🏻 奶油分佈平均👍🏻如果牛油搽唔平均好大獲，一啖有油，一啖乾就弊。呢件多士就絕對冇呢個問題。再睇奶茶：同樣都係 奶嘅香滑味+紅茶嘅甘味 做得平均👍🏻👍🏻難得係凍飲加左冰之後，就算飲到最後一啖，都冇俾冰水溝淡左味道👍🏻出色！仲叫左安格斯漢堡+薯條 ，同銀芽肉絲脆麵做晚餐安格斯漢堡：漢堡肉十分高質，2層芝士2層安格斯漢堡再加薯條，都係$100左右！平到咁😂 D漢堡仲要好新鮮，好冧，入口易化，絕對唔係快餐店D現成漢堡扒咁乾柴。連薯條都加左味粉調味，可見廚師十分用心做好菜👍🏻肉絲脆麵：脆麵炸得金黃香口👍🏻配上旁邊足料嘅銀芽肉絲。肉絲汁令炸面脆得黎又冇咁熱氣😂又易D咬入口。好味到我同朋友秒速食曬😂再追加左個甜品炸冬甩+雪糕球 呢個份量做飯後甜品岩岩好👍🏻2件炸冬甩，外面香脆，但又唔會太熱溶左雪糕，一啖雪糕加炸冬甩，邪惡但好味😋2個人下午茶+