堅信號上海生煎皇 (形點 II)

Open Now

Now Closed

餐廳位於元朗，主打滬菜同中式小點，裝修簡潔實在，環境乾淨企理，氣氛舒服👍🍜 晚餐四川擔擔麵（加配滷水糖心蛋）擔擔麵醬香濃郁，花生醬同辣油比例剛好，辣度可以隨意選擇。麵條彈牙，掛汁力高，加咗滷水糖心蛋，蛋黃流心、滷味香濃，整體味道層次豐富。🥟 紅油韭菜餃套餐送的，餃子皮薄餡靚，韭菜味道突出，配上微辣紅油，夠香口，做前菜好合適。🍲 砂鍋胡椒豬肚雞湯底有濃郁白胡椒香，夠晒暖胃，豬肚處理得好，冇腥味，彈牙夠咬口；雞件滑嫩入味，飲湯食料都滿足，適合想食得滋補啲嘅人。🥟 生煎包底部酥脆，中間保留咗麵糰嘅厚度，咬開仲有滿滿嘅肉汁，餡料味道偏香甜，係餐廳招牌之一。🥢 灌湯小籠包皮薄但有彈性，湯汁豐富，入口有鮮香味，唔會太鹹。夾起要小心，保持湯汁完整先至有滿足感。🍞 炸銀絲卷配煉奶炸得外脆內軟，唔會過油，配煉奶後帶少少甜香，幾適合食完鹹點後轉口味。🍡 紅糖糍粑外層炸得微脆，糯米煙韌，紅糖漿香而不膩，灑上芝麻後更有香氣，經典嘅中式甜品。