點心到 (鴻星大廈)

Open Now

Now Closed

呢度要同大家介紹一間平民抵食嘅點心舖，呢間點心有好多款式可以揀，可以食到廣東點心風味。籠仔鳳爪排骨飯飯夠多，鳳爪皮軟又嫩仲入味，排骨夠腍。燒賣同蝦餃都好食。燒賣賣相幾靚，有鮮蝦喺面。蝦餃皮薄，滿滿爽口蝦肉。蜆蚧綾魚球即炸熱辣辣，綾魚球漲卜卜彈牙口感，點埋蜆蚧汁更鮮味。仲有薑蔥牛柏葉同醬皇金錢肚都唔錯。薑蔥牛柏葉多蔥絲，牛柏葉爽口。醬皇金錢肚醬汁香濃。再叫個濃湯杞子浸時蔬，清清地。食咗咁多兩個人都係$190左右埋單，抵食！