HABO室內釣蝦場

Open Now

Now Closed

-有時約朋友出去但好多活動都玩過哂，諗唔到仲可以玩咩🥲竟然俾我地發現新蒲崗呢間室內釣蝦場🥰地方闊落舒適，好適合拍拖/同朋友/一家大細黎玩。🦐1小時釣蝦 $140店員有耐心教我地點樣釣，首先要將蝦米去頭去尾，再用竿嘅鈎鈎實，就可以開始釣啦。釣嘅時候慢慢郁，留意浮標，有動靜就可以chok上黎啦🤩店員仲會間唔中加啲蝦入池裡面，令客人有較多機會釣到蝦。如果釣得太少點算😮‍💨?店員話每支杆可以選擇要5隻蝦，或者選擇要釣獲嘅蝦，而呢啲蝦可以選擇帶走，唔需要另外收費。知道消息🐷自然鬆一口氣，因為剩係釣到1隻蝦😂🥚流沙黃金蝦 加工費$60大頭蝦蝦頭隻隻都爆膏！新鮮釣上黎即煮所以好新鮮，肉質新鮮彈牙😍廚師將蝦開邊並處理好蝦腸，唔只容易剝殼，醬汁仲完全滲哂入蝦肉裡面。呢個醬汁非常值得推薦，搗碎嘅咸蛋黃粒粒鬆化起沙，咸香帶出蝦嘅鮮味👍🏻🧄秘製蒜香醬油蝦 加工費$60醬汁味道比較濃同惹味，蒜味濃郁亦帶少許甜味，開胃之選。🦑唐揚魷魚鬚配魷魚軟骨 $100有別於其他地方嘅炸物，呢度嘅炸皮一啲都唔硬身，仲好鬆脆。魷魚鬚軟身且帶肉汁😍🍟雙重炸薯 $90炸薯條同樣鬆脆，份量頗多。特別推薦黑松露醬，味道濃郁飄香。